Sumarið

Á Patreks­firði, Bíldudal og Tálkna­firði eru fyrir­taks tjald­svæði með allri nauð­syn­legri þjón­ustu. Tjald­svæðin eru almennt opin yfir sumar­tímann.

Sveit­ar­fé­lagið stendur fyrir sumar­nám­skeiðum fyrir börn á aldr­inum 7–10 ára. Lögð er áhersla á útivist, fræðslu um umhverfið og íþróttir á námskeið­unum. Nánar má lesa um þau á tengli hér til hliðar.

Á sumrin standa íþrótta- og ungmenna­fé­lögin á svæðinu fyrir öflugu æsku­lýðs­starfi.

Á sumrin lengist þjón­ustu­tími íþróttamið­stöðv­anna auk þess sem Laug­ar­nes­laug opnar.

Í sveit­ar­fé­laginu er að finna ýmsa nátt­úrupotta og laugar, og má þar helst nefna Laug­ar­nes­laug á Barða­strönd, sund­laugina í Reykja­firði og Hellu­laug við Flóka­lund. Reykja­fjarð­ar­laug og Hellu­laug eru opnar allan sólar­hringinn að því gefnu að vegir séu opnir.

Í sveit­ar­fé­laginu er fjöldi safna og sýninga sem miðla mann­lífi, menn­ingu, sögu og náttúru Vest­fjarða. Vestast er minja­safn að Hnjóti í Örlygs­höfn og utar­lega í Arnar­firði má finna lista­verk Samúels Jóns­sonar í Selárdal. Söfnin eru tilvalinn áfanga­staður í ísbíltúrum eða helg­ar­ferð – það þarf ekki alltaf að fara langt.

Golf nýtur mikilla vinsælda og í sveit­ar­fé­laginu eru tveir golf­vellir, að Hóli við Bíldudal og í Vest­ur­botni í Patreks­firði fyrir innan þorpið. Golf er tilvalið fyrir alla fjöl­skylduna og hægt að stunda útivist um leið á björtum sumar­kvöldum.

Í Vatns­firði er að finna margar göngu­leiðir og má finna frekari upplýs­ingar um þær hér til hliðar. Einnig er ýmsar aðrar göngu­leiðir í sveit­ar­fé­laginu og er til dæmis hægt að finna þær á smáfor­ritinu Wapp.

Sumarið er tíminn fyrir lestur góðra bóka, hvort sem er heima undir teppi á rign­ing­ar­kvöldi, milli þúfna í útileg­unni eða úti á palli í sólbaði. Þá er gott að þekka þjón­ustu­tíma bóka­safn­anna.

Á viðburða­skrá heima­síð­unnar má finna upplýs­ingar um viðburði sem eru á döfinni á svæðinu.