Á súpufundinum í dag, fimmtudaginn 4. mars, verða kynnt í Sjóræningjahúsinu á Patreksfirði þau verkefni sem fengu styrki frá Ferðamálastofu vegna uppbyggingar og úrbóta á ferðamannastöðum á suðursvæði Vestfjarða.

Súpa, brauð og kaffi á 1.200 kr.

Súpufundurinn hefst eins og áður kl. 12.30.

Laugardaginn 6. mars 2010 fer fram þjóðaratkvæðagreiðsla um gildi laga nr. 1/2010.

 

Kjörfundir verða haldnir í eftirfarandi þremur kjördeildum í Vesturbyggð:

 

• Á Patreksfirði í framhaldsskóladeild FSN sem er í þekkingarsetrinu SKOR (Grunnskóla Patreksfjarðar).
  Kjördeildin verður opin frá kl. 10:00 - 18:00. ATH. BREYTTAN KJÖRSTAÐ.
• Á Bíldudal; í félagsheimilinu Baldurshaga. Kjördeildin verður opin frá kl. 12:00 - 18:00.
• Á Krossholtum: í Birkimelsskóla. Kjördeildin verður opin frá kl. 12:00 - 18:00.

Íbúar fyrrum Rauðasanndshrepps eru skráðir í kjördeildinni á Patreksfirði.

 

Patreksfirði 26. febrúar 2010.

Bæjarstjórinn í Vesturbyggð.

Þórunn Sigþórsdóttir, umhverfisfulltrúi Snæfellsbæjar, kynnir umhverfismál í Snæfellsbæ á súpufundi í dag.

 

Fundurinn er haldinn í Sjóræningjahúsinu á Patreksfirði. Súpa, brauð og kaffi á 1.200 kr. og fundurinn hefst eins og áður kl. 12.30.

Almennur borgarafundur verður á Patreksfirði laugardaginn 13. mars í Félagsheimili Patreksfjarðar frá kl. 14-16 til stuðnings uppbyggingar á Vestfjarðavegi um Barðastrandarsýslu og með Dýrafjarðargöngum.

 

Með Vestfjarðavegi verða tengdar saman byggðir á Vestfjörðum og þær tengdar við aðalþjóðvegakerfi landsins með góðum heilsárs vegi.

 

Að fundinum standa einstaklingar búsettir á Vestfjörðum sem vilja öfluga byggð í fjórðungnum öllum og kalla sig aðgerðahópinn áfram vestur.

 

Dagskrá:

1. Umhverfismat fyrir Dýrafjarðargöng, Þorleifur Eiríksson, Náttúrurstofu Vestfjarða.
2. Störf nefndar sem skoðar möguleika á nýjum vetrarfærum vegi yfir Dynjandisheiði, Gísli Eiríksson, Vegagerð ríkisins.
3. Stutt ávörp: Eyrún Ingibjörg Sigþórsdóttir, Eggert Stefánsson, Páll Líndal Jensson, Smári Haraldsson, Guðrún Eggertsdóttir, Sigurður Jón Hreinsson, Halldór Halldórsson.
4. Almennar umræður.

Patreksdagurinn er upplagður dagur til að halda hátíð í bæ og standa saman að fagnaðarhöldum eins og verið hefur.

 

Samkvæmt Landnámu var fyrsti landnámsmaður í Patreksfirði Örlygur Hrappsson sem steig á land í firðinum sunnanverðum ásamt mönnum sínum. Þar heitir síðan Örlygshöfn. Nefndi hann fjörðinn eftir fóstra sínum, Patreki biskupi í Suðureyjum.

 

Á súpufundinum í dag, fimmtudaginn 18. mars, mun Leifur Ragnar Jónsson, formaður stjórnar Menningarráðs Vestfjarða, kynna ráðið og styrksumsóknir til þess.

 

Fundurinn verður haldinn í Sjóræningjahúsinu á Patreksfirði. Súpa, brauð og kaffi á 1.200 kr.

 

Fundurinn hefst eins og áður kl. 12.30.

216. fundur bæjarstjórnar verður haldinn í fundarsal bæjarstjórnar að Aðalstræti 63, Patreksfirði, þriðjudaginn 23. mars 2010 og hefst fundurinn kl. 17.

Dagskrá:
Fundargerðir til staðfestingar
1. 1002010F - Bæjarráð - 556

2. 1003001F - Bæjarráð - 557

3. 1003002F - Bæjarráð - 558

4. 1003008F - Bæjarráð - 559

5. 1003009F - Bæjarráð - 560

6. 1003011F - Bæjarráð - 561

7. 1003005F - Skipulags- og byggingarnefnd - 136

8. 1002011F - Hafnarstjórn - 113

9. 1003012F - Félagsmálanefnd - 104

Almenn erindi
10. 1003072 - Reglur um félagslegar leiguíbúðir Vesturbyggðar

11. 1002080 - Skipulagsstofnun beiðni um umsögn vegna Fjarðarlax ehf.

12. 1002075 - Bókun frá Jóni Hákoni Ágústssyni

Til kynningar
13. 1003068 - Undirskriftarlisti - Arnarfjörður fyrir íbúa fjarðarins

Almennur fundur, með yfirskriftinni Óvissa í sjávarútvegi!, verður í Edinborgarhúsinu á Ísafirði miðvikudagskvöldið 24. mars kl. 20:00.

 

Fundarboðendur eru sveitarfélög og hagsmunasamtök til lands og sjávar á Vestfjörðum sem sameinast í andstöðu við fyrningarleið í sjávarútvegi, afnám sjómannaafsláttar og aðför að landsbyggðinni.

 

Bein vefútsending verður frá fundinum á heimasíðunni www.bb.is.

 

Fundurinn á Ísafirði er hliðstæður fundum sem sveitarfélög og hagsmunasamtök hafa efnt til undanfarið í Ólafsvík, á Eskifirði og í Vestmannaeyjum. Í undirbúningi eru fleiri slíkir fundir, meðal annars við Eyjafjörð og á Suðurnesjum.

Á súpufundinum í dag, fimmtudaginn 25. mars, á Hópinu á Tálknafirði, mun Bjarni Einarsson, kerfisfræðingur, kynna nýtt fyrirtæki á suðursvæði Vestfjarða sem heitir „Íslenskur kræklingur".

 

Súpa, brauð og kaffi á 1.200 kr. og fundurinn hefst eins og áður kl. 12.30 á Hópinu í Tálknafirði.

Árshátíð fyrirtækja og stofnana í Vesturbyggð verður haldin laugardaginn 27. mars 2010.

 

Húsið opnar kl. 19.30 og skemmtunin hefst kl 20.00.

 

Veislustjóri verður Karl Örvarsson, og stuðbandið Glymskrattinn mun sjá til þess að árshátíðargestir skemmti sér vel á ballinu. Vínveitingar verða á árshátíðinni og er 18 ára aldurstakmark.