Skjaldborgarbíó hluti af íslenskri kvikmyndahelgi.

Landsmönnum boðið í bíó – 34 íslenskar myndir á 18 stöðum


Íslensk kvikmyndahelgi fer fram 22. – 24. mars. Tilefnið er hækkun framlaga í Kvikmyndasjóð Íslands og sá stuðningur sem kvikmyndagreinin hefur fengið í gegnum tíðina. Á bak við framtakið standa íslenskir kvikmyndagerðarmenn, í samstarfi við 18 sýningarstaði og Kvikmyndamiðstöð Íslands. Alls verða sýndar 34 myndir á 18 sýningarstöðum og ókeypis verður inn á allar sýningar.

 

Dagskrá á Patreksfirði:  

Laugardagur 23.mars
16:00 Algjör Sveppi 3
20:00 Borgríki         Kristín Andrea framleiðandi mætir.


Sunnudagur 24. mars
16:00 Hetjur Valhallar - Þór
20:00 Okkar eigin Osló

 

Leikstjórar eða aðrir aðstandendur verða viðstaddir fjölda sýninga, t.a.m. verður Ragnar Bragason á Akranesi, Gunnar B. Guðmundsson (Gauragangur) á Ólafsvík, Gunnar Karlsson (Hetjur Valhallar - Þór) á Hvammstanga, Ari Kristinsson (Duggholufólkið) á Blönduósi, Kristín Andrea Þórðardóttir (Borgríki, framleiðandi) á Patreksfirði, Ásdís Thoroddsen (Ingaló) á Ísafirði, Óskar Jónasson (Hetjur Valhallar – Þór) á Ólafsfirði, Rúnar Rúnarsson (Eldfjall) á Raufarhöfn, Bragi Þór Hinriksson/Sverrir Þór Sverrisson „Sveppi“ á Seyðisfirði og Egilsstöðum, Marteinn Þórsson (Rokland) á Kirkjubæjarklaustri.

Á kvikmyndasýningum í Reykjavík verða leikstjórar/aðstandendur ákveðinna kvikmynda viðstaddir sýninga.

Sýningarstaðir voru valdir í samráði við menningarfulltrúa hvers landshluta og eftir aðstöðu til sýninga.

Upplýsingar um allar myndirnar má nálgast á www.kvikmyndavefurinn.is

Skrifađu athugasemd:



Til baka
Vesturbyggđ - Kt. 510694-2369 - Ađalstrćti 63 - 450 Patreksfirđi - Sími: 450 2300 - Fax: 456 1142 - Netfang: vesturbyggd@vesturbyggd.is