Vesturbygg� - Arnhei�ur J�nsd�ttir

Enn um fram�rskarandi Vestfirskar konur

Fri, 15 Feb 2008 21:39:00 +0000

Ágætu íbúar Veturbyggðar og Tálknafjarðar mikið er ég stollt af okkar konum. Þær Alda Davíðsdóttir og Aðalbjörg Þorsteinsdóttir Tálknafirði, fengu styrk frá Félagsmála og tryggingarráðherra núna um daginn. Þær ásamt mörgum öðrum konum sóttu um styrk til uppbyggingar fyrirtækja sinna, og þær fengu. Þeir veiða sem róa segir máltækið.... Þetta eru kraftmiklar konur sem eru að byggja upp fyrirtækin sín og eru harðduglegar. Til hamingju stelpur.

Kr�ftugar konur

Wed, 12 Dec 2007 10:40:00 +0000

Á mánudaginn siðastliðin var útskrift með öllu tilheyrandi í nýja þróunarsetrinu á Patreksfirði. Það var verið að útskrifa níu kraftmiklar konur úr Brautargengisnámi Impru.
Þær settu allar upp viðskiptaáætlun og forsvarsmaður námskeiðsins frá Impru sagði mér að reynslan annarstaðar frá er sú að u.þ.b 60% þeirra viðskiptaáætlana sem gerðar eru á námskeiðinu komast í framkvæmd. Svo ef rétt reynist þá eigum við eftir að sjá heilmikið gerast hjá þessum konum.
Það kom einnig fram að þessi hópur sem var á námskeiðinu hér var talin kröftugasti hópurinn, mjög gaman af því.
Innilega til hamingju konur og nú er bara að bretta upp ermarnar.......................

Bar�tta

Fri, 02 Nov 2007 12:42:00 +0000

Ég hafði einsett mér að skrifa hér inn ýmislegt sem er að gerast hér í sveitarfélaginu, jákvætt. Því mér finnst við draga svo oft það neikvæða fram. En undantekningin sannar regluna, því ég ætla að tala hér um það sem kom fram í fréttatilkynningu frá Stöpum hf.
En eins og allir vita þá kom fréttatilkynning frá fyrirtækinu um að þeir hafi sagt starfsfólki sínu á Bíldudal upp og geri ekki ráð fyrir að áætlanir þeirra um að hefja fiskvinnslu að fullum kraft gangi eftir.
Mikið rosalegt áfall er þetta, fyrir okkur öll, hvort sem við vinnum í fiskvinnslu eða ekki og hvort sem við búum á Bíldudal eða ekki.
Hvað á þetta að ganga lengi, að það virðist vera nær ómögulegt að koma einhverju af stað hér hjá okkur. Stjórnvöld segjast skilja aðstöðu okkar, segja jafnvel að við höfum setið eftir, eins og samgöngumálaráðherra sagði okkur um daginn. En HVAÐ svo. Ekkert.........
En ég held að við verðum að láta þetta ekki slá okkur niður í kjallara lengi.....Þetta er niðurstaðan og hún er bölvuð fyrir okkur en við megum ekki gefast upp.
Bjartsýni er ákvörðun, sagði einhver góður maður og við verðum að taka ákvörðun um að vera bjartsýn og bretta upp ermarnar og finna nýjar leiðir til atvinnusköpunar á Bíldudal og í sveitarfélaginu öllu.
Það er fullt af dulegu fólki sem á heima hér í sveitarfélaginu okkar sem vill eiga heima hér og taka þátt í atvinnulífinu og byggja það upp.

kveð að sinni

Sk�lam�lt��ir

Thu, 18 Oct 2007 20:22:00 +0000

Aldrei hefði ég trúað því þegar ég var í leikfimi þegar ég var krakki að það ætti eftir að bera fram skólamáltíðir í leikfimissalnum. En það gerðist, útbúið framreiðslueldhús í sturtuklefanum gamla og búið að mála salinn og gera hann fínan, kaupa húsgögn og gjörið þið svo vel. Mér finnst þetta alveg frábært. Mikið vildi ég að þetta hefði verið í boði þegar mín börn voru í skólanum......
Ég held að þetta komi til með að hafa áhrif á krakkana og allt skólastarfið og þá á ég við jákvæð áhrif. Þessi hlaup í hádeginu eru úr sögunni. Krakkarnir hlupu heim tróðu einhverju í sig og hlupu aftur í skólann. Ég get ímyndað mér að þau hafi sum hver að minsta kosti komið þreytt og pirruð í tímann eftir hádegi. Núna þurfa þau ekki að fara neitt, fá góðan mat í skólanum og slappa af í hádeginu með félögunum. Mæta svo í tímana eftir hádegi södd og afslöppuð. Til hamingju með þetta krakkar og foreldrar.

�r�unarsetur � Patreksfir�i

Sun, 16 Sep 2007 11:19:00 +0000

Það gerðist stórmerkur atburður á Patreksfirði í gær. Það var opnað Þróunarsetur á Patreksfirði.
Og þá spyr fólk, hvað er nú það ???. Svo ég skýri það lítilega út þá er þetta umgörð um hinar ýmsu stofnanir. Hugmyndafræðin er í raun sú að safna saman "einmennings" stofnunum. Yfirleitt eru þetta opinberar stofnanir sem hafa einungis einn starfsmann í vinnu á svæðinu. Eins og hefur verið hér hjá atvinnuþróunarfélaginu í nokkur ár. Þessum "einmennings"stofnunum er safnað saman í ´sameiginlegt húsnæði, t.d eins og það sem var verið að taka í notkun í gær. Fólk hefur þá vinnustað, hugmyndir skapast í kaffistofunni og hvert stiður annað. Það er heldur ekki gott fyrir fagmann að starfa einn, það veit undirrituð mjög vel af eigin reynslu. Fyrir utan svona praktísk atriði sem skipta auðvitað máli. En í þessu húsnæði sem opnað var i gær er áætlað að starfsmenn frá atvinnuþróunarfélaginu verði ásamt, Vinnumálastofnun, Fræðslumiðstöð Vestfjarða,Háskólaseturs HÍ og fl og fl. Það er reynsla annara þar sem svona þróunarsetur hefur verið stofnað að það vindur uppá sig, stækkar og dafnar. Eg á ekki von á öðru en að slíkt gerist hér einnig.

Reyndar vil ég taka svo stórt upp í mig að segja að þetta kom til með að skipta sköpum í atvinnulífinu hér. Ég held og veit og trú að við erum að snúa þróuninni við. Auðvitað þarf að hugsa vel um þetta "nýfædda barn" okkar, hlúa að því að berjast fyrir því og allt það. Ég efast ekki um að okkur íbúum í Vesturbyggð takist það og takist að byggja þetta upp í sameiningu, samhennt.

Mig langar líka að deila með ykkur að það var verið að tala um þarna í gær, af gestum sem komu að, hve mklir jákvæðir straumar kæmu nú frá Vesturbyggð. Eitthvað væri að breytast. Litla hjartað mitt sló aukaslag við svona ummæli. Okkur sem búum hér í Vesturbyggð erum öll að takast að breyta viðhorfum og breyta neikvæðni í jákvæðni - nú er leiðin einungis upp á við - það held ég að sé alveg víst.

Að lokum langar mig að þakka þeim aðila eða aðilum sem settu þessa miða á bílana okkar á föstudagsmorguninn. Hvað sem fólk vill segja eða taka þessu, ´þá held ég að fáir hafi gefið meira af sér þennan dag. Og viðkomandi hefur örugglega náð takmarki sínu, því ég held að flestum hafi hlínað um hjartarætur, svona í morgunsárið og lítið annað var rætt held ég á vinnustöðum bæjarinns en þetta hvaða miði var á hvaða bíl og HVER gerði þetta, var stóra spurningin.

Bjarts�ni og kraftur

Sun, 02 Sep 2007 21:30:00 +0000

Ég fór og skoðaði Sauðfjársetrið í sumar. Þarna er notað gamalt félagsheimili sem var lítið sem ekkert notað og sett upp sýning á hinum ýmsu gripum sem tengjast sauðfénu, frá upphafi til enda, ef svo má segja. Þarna er líka kaffisala og minjagripasala. Einnig hefur Sauðfjársetrið staðið fyrir hinum ýmsu uppákomum yfir sumartímann. Þetta er allt saman ljómandi gott og skemmtilegt og skapar störf í sveitarfélaginu a.m.k yfir sumartíman, vekur athygli á sveitarfélaginu og þ.h.
Það sem ég var að velt fyrir mér eftir þessa heimsókn er að bak við Sauðfjársetrið stendur áhugamannahópur sem hefur áhuga á saukindinni og vill deila því með öðrum, auk þess hefur þetta fólk trú á því samfélagi sem það býr og starfar í og brettir upp ermarnar og gerir eitthvað.
Í framhaldi af því var ég að velta fyrir mér að svona fólk þurfum við að hafa til að byggja upp landsbyggðina. Ekki bara mitt byggðalag heldur allstaðar. Ég fór að líta í kringum mig og velta fyrir mér, hvar er þessi kraftur hér í sveitarfélaginu mínu. Við þurfum svona fólk, fólk sem trúir í alvörunni á samfélagið og hefur kraft og dug og áhuga til að skapa eitthvað og gera eitthvað í málunum. En undanfarið hefur umfjölluninn ekkert verið neitt sérstaklega jákvæð og aðgerðir t.d. stjórnvalda ( eins og niðurskurður þoskaflaheimilda )ekki verið neitt til að íta undir bjartsýni.
En ég þurft ekkert að leita lengi til að sjá kraftnn í mínu sveitarfélagi. Það er m.a ungt fólk á Patreksfirði sem ætlar að setja upp Sjóræningjasetur og finnst sumum nóg um. En þetta er bjartsýnt fólk sem hefur trú á samfélaginu og vill bjóða öðrum að koma og heimsækja okkur og taka smá þátt í því ásamt því að skapa sjálfum sér og öðrum atvinnu. Um helgina var kynningafundur á Bíldudal um Skrímslasetur, þar er einnig bjartsýnt fólk og kröftug sem vill fá fleiri til að heimsækja sveitarfélagð okkar og skapa fleiri störf og deila sérstöðu okkar með öðrum. Og síðan langar mig að minnast á nýjan bát sem við vorum að fá hingað í sveitarfélagið og sagt er frá á forsíðunni. Valgerður BA. Þar er kröftugt og bjartsýnt fólk á ferð. Ég komst því miður ekki til að taka á móti skipinu á föstudagskvöldið en ég óska eigundum þess til hamingu með þetta stórglæsilega skip og óska þeim velgengis með fyrirtækið sitt.
Nú hef ég einungis minnst á það sem kom í huga minn og er allra nýjast, en við eigum fullt að kröftu fólki sem er að byggja upp markskonar fyrirtæki í þjónustu og á öðrum vetfangi.
Mér finnst einmitt að við eigum að segja frá því sem vel er verið að gera í sveitarfélaginu okkar og segja frá því að okkur finnst gott að búa hér og láta jákvæða strauma flæða um, þannig held ég að við sameinum krafta okkar til að byggja upp öflugt sveitarfélag.

Framhaldssk�ladeild � Patreksfir�i

Fri, 10 Aug 2007 23:26:00 +0000

Ágætu íbúar í Vesurbyggð og Tálknafirði !
Til hamingju með nýju framhaldsskóladeildina sem var opnuð með formlegum hætti nú 8. ágúst..
Guðbjörg skólastjóri sagði okkur frá því að það hefðu 20 nemendu sótt um skólavist og staðfest hana.
Mér finnst þetta alveg frábærar móttökur á nýrri deild. Þessi nemendafjöldi samanstendur af nemendum sem voru að klára 10.bekk, eldri nemendum sem eru ekki í fullu námi og einnig nemedum sem eru í 10 bekk og ætla að taka fög á framhaldsskólastigi, eins og nemendum annar staðar hefur staðið til boða en ekki nemendum í Grunnskóla Vesturbyggðar, fyr en nú.
Við sem búum hér fyrir vestan og höfum búið við það að þurfa að sjá eftir börnunum 15 - 16 ára ... þear þau klára 10. bekk og fara í framhaldsskóla og sjáum þau kanski lítið eftir það hér fyrir vestan, hljótum að vera ánægð með þetta. Þetta er ekki bara ánægjulegt fyrir foreldra barnana sem þurfa EKKI að fara í burtu ( því ég samgleðst þeim, virkilega) en líka fyrir okkr hin sem eigum ekki börn sem geta sótt þessa framhaldsskóladeild. Því við höldum áfram að sjá unga fólkið hér fyrir vestan. Mannlífið breytist , við vitum það öll. Samfélag sem er samansett þannið að sem vanntar nokkra árganga inn í íbúaflóruna, stóran hluta ársins, er öðrvísi en við viljum hafa að.
já þetta var gleðidagur og merkisdagur í samfélagi okkar hér fyrir vestan .
Og nú styttist í að hinn hlutin að húsnæðinu verði tekin í notkun, þar sem áætlað að svokallað, þróunar eða þekkingar setur verður staðsett. það er líka mjög ánægjulegt og nú þarf að herja á ríkisstofnanir og þ.h. að fá fleiri störf og stofnanir þangað.
Ég hveð að sinni.

Svartfuglinn

Sun, 29 Jul 2007 23:08:00 +0000

Nú á síðustu dögum hefur verið svokölluð gönguhátíð á sunnanverðum Vestfjörðum sem kallast núna Svartfuglinn. Ég tók þátt í þessu á laugardaginn og gekk með hópi fólks frá Patreksfirði yfir á Tálknafjörð og gengum við niður að Hvammeyri og vorum síðan ferjuð yfir fjörðinn. Sama leið fólk gekk frá Patreksfiði í gamla daga á leið í sundkennslu í Tálknafirði, það var einnig ferjað frá Hvammeyri. Þetta var hin skemmtilegasta ferð, skemmtilegt samferðarfólk og veðrið alveg ljómandi gott, heitt smá gola og bjart.
Í Tálknafirði var Tálknafjör, markaður í gangi og kaffisala og flóamarkaður, þarna var handverksfólk og annað sölufólk af fjörðunum, líklega einnig af norðandverðum fjörðunum, kvennfélagið seldi kaffi og vöflur, ásamt því að vera með flóamarkað. Þetta var einnig alveg ljomandi skemmtileg tilbreiting.
Á laugardagskvöldið var á Rauðasandi það sem var kallað " Við klukknahljóm syndugra hjarta" dagskrá á söguslóðum Svartfugls.
Þetta var dagskrá í tilefni af útgáfu Bjarts á skáldsögu Gunnars Gunnarssonar, Svartfugli sem fjallar um svokallað Sjöundármál.
Dagskárin var í Saurbæjarkirkju og var hún stútfull, svo margt var fólkið að það var komið með auka stóla eins og hægt var, fólk stóð eins og hægt var, ég held að allir hafi komist inn, en ég er ekki viss.
Þarna hélt Gunnar Björn Gunnarsson afkomandi Gunnars erindi. leikararnir Jón Hjartarson, Þorstienn Gunnarsson og Valgerður Dan leiklásu brot úr sögunni. Síðan flutti Ásthildur Haraldsdóttir flautuverk eftir Atla Heimi Sveinsson og að lokum flutti Séra Sveinn Valgarðsson hugvekju.
Þegar þessu var lokið var boðið upp á kaffi í Kirkjuhvammi.
Þetta sumarkvöld á Rauðasandi var líka alveg óskaplega fagurt og verður perla í minningunni.

Krydd � tilveruna

Sun, 22 Jul 2007 14:27:00 +0000

Ég fór á alveg ljómandi skemmtilega skemmtun á föstudagskvöldið með hljómsveit með því skritna nafni Ljótu hálvitarnir .
Þetta voru að mig minnir 9 ljómandi skemmtilegir ungir menn sem sungu og trölluðu fyrir gesti. Þetta voru svolítið skrítnir drengir ( með góðum formerkjum) með skemtilegan húmor og höfðu auðsýnilega mjög gaman að því sem þeir voru að gera. Ég gat ekki annað séð en að allir gestir kvöldsins hafi skemmt sér vel, en ég verð að segja að það hefði verið gaman að sjá fleiri. En þetta er svona bara og fólk auðvitað mjög mikið út um allt í sumarfríum og þ.h.

Á laugardaginn var síðan leikritið Dýrin í Hálsaskógi sýnt upp á "Wembley" og var hluti að Ljótu hálvitunum sem tóku þátt í þeirri uppfærslu. Ég fékk lánaða tvo frændur til að fara með á þessa barnasýningu ( manni finnst svo asnalegt að fara barnlaus á barnasýningu, en auðvitað er það ekkert asnalegt, á maður ekki að varveita "barnið" í sér ......) og skemmti mér alveg ljómandi vel. það var rigning og síðan rigningarsuddi um morgunin en síðan um hádegið létti til og það var alveg ljómandi veður, sólarlaust og stillt.

Ég vil bara þakka fyrir mig og þakka þeim sem stóðu fyrir því að þessir atburðir komu hingað, þetta var vel til fundið og skemmtilegt krydd í tilveruna.

Til hamingju me� n�ju heimas��una �b�ar Vesturbygg�ar

Thu, 12 Jul 2007 00:03:00 +0000

Ágætu lesendur nýrrar heimasíðu Vesturbyggðar.

Nú þegar ný heimasíða Vesturbyggðar er komin í gangið er eitt af markiðum hennar að gera hana lifandi og skemmtilega.

Einn hluti af því eru þessar vefdagbækur sveitarstjórnamanna. Þessi skrif mín er byrjunin á mínum hluta af því.

Heimasíðan er ljómandi góð, einfalt að leita á henni og á eflaust eftir að þróast

Mér finnst atburðardagatalið mjög góður liður á svona heimasíðu og hvet ég alla sem standa fyrir einhverjum viðburði í sveitarfélaginu að senda Brieti á bæjarskrifstofunni póst og viðburðurinn verður skráður í dagatalið.Því við vitum að það er oft mjög mikið að gerast í sveitarfélaginu okkar og eru þá helgarnar aðalega umsetnar og þess vegna rekast atburðir stundum á . Þetta atburðardagatal er liður í því að slíkt gerist ekki.

Ekki er hægt að setjast niður og skrifa einhver orð eða taka einhvern tali þessa dagana öðrvísi en að tala um veðrið. Mikið óskaplega hefur þetta verið gott veður undanfarið. Einhver kallaði þetta fyrir nokkrum árum “skrifstofuóveður” og finnst mér það nokkuð gott orð yfir þessa veðurblíðu amk fyrir okkur sem þurfum að sitja inni í þessu dýrðarinnar verðri.

Í sumar hefur verið nokkuð um atburði hér í sveitarfélaginu okkar og má þar nefna, hátíðarhöldin 17 júní á Bíldudal, athöfn til minningar um að það eru 60 ár frá því að skipverjum af breska togaranum Dhoon var bjargað, þegar togarinn strandaði við Látrabjarg , Bíldudals grænar og Safnadagurinn var sl. sunnudag. Fleiri minni atburði má nefna eins og kirkjugönguna frá Kollsvík í Breiðuvík og eflaust gleymi ég einhverju.

Á öllum þessum atbuðum hefur veðrið verið mjög gott og fólk hefur sótt þessa atburði mjög vel bæði heimamenn og fólksem er hér á ferðalagi og gaman hefur verið að taka þátt í þessu.

Framundan eru fleiri atburðir eins og á næstu helgi er Héraðsmótið haldið á Völuvelli á Bíldudal, markaðsdagar í Tálknafirði helgina þar á eftir og gönguhátið á sunnanverðum Vestfjörðum ( sem hét gönguhátið í Vesturbyggð í fyrra )sömu helgi. Svo þið sjáið að það er nóg að gera framundan og verður maður að velja og hafna eins og gengur og gerist því ekki er hægt að vera alls staðar.

kveð að sinni

Arnheiður Jóns.