Þess vegna er ekki gott að sparka í eða velta við gaskút sem logar í. 

Best er að skrúfa fyrir ef það er einhver möguleiki en annars kalla til slökkvilið og þá geta reykkafarar í göllum lokað fyrir. 

Gaskútarnir eiga allir að vera með öryggisventil sem varnar því að gaskúturinn springi.

Slökkviliðið á Patreksfirði var kallað út í gærkveldi vegna mikils reyks frá grilli.

Lögreglan var komin á staðinn og náði hún að slökkva eldinn með handslökkvitæki.  Um var að ræða hlaðið útigrill og læsti eldurinn sig í eldfima hluti sem voru við grillið.

Slökkviliðið vill biðja Patreksfirðinga og aðra að fara varlega við grillin í sumar.

Þessi frétt átti að birtast 6 júní en gerði það ekki.

Slökkviliðið á Patreksfirði var kallað út vegna flugvélar sem fór út af brautinni á Patreksfirði.

Farið var á einum bíl út á flugvöll til þess að gæta öryggis á vellinum.

Sem betur fer slasaðist enginn og ekkert af bensíni eða öðrum efnum lak niður.

patreksfjordur.is 5.júní

Flugvél fór út af flugbraut

Tveggja sæta flugvél fór út af flugbrautinni á Patreksfjarðarflugvelli í gærdag en sterkur hliðarvindur var þegar óhappið átti sér stað. Tveir menn voru innanborðs og sakaði hvorugan en flugvélin er töluvert skemmd. Rannsóknarnefnd flugslysa var kölluð til að rannsaka nánar um tildrög óhappsins.

Í samtali við flugmenn kom fram að óhappið hafði átt sér stað í flugtaki og hafi vindurinn þeytt vélinni til hliðar. Flugmaðurinn hugðist láta taka vélina í tvo parta og flytja hana aftur til Frakklands til viðgerða.

Búið er að koma gámnum fyrir á sínum stað og þótti ansi áberandi í landslaginu.  Hluti af honum var þó svartur af sóti en hinn endinn var ennþá blár.  Hugmyndin var að mála hann í felulitum sem líktust sem mest landslaginu í kring.

Guðrún, Magga og Sara mættu galvaskar um morguninn,  byrjuðu þær á því að mála grunn lit sem er nokkuð dökkur.  Síðan fengu þær nokkra grunnliti sem þær blönduðu saman og máluðu heilt málverk á gáminn.  Fengu þær frjálsar hendur með hvernig verkið fengi að líta út og er útkoman virkilega góð hjá þeim.  Ljóst er að sköpunargleðin fékk að ráða og þótti þeim þetta ágætis byrjun á sumrinu.

Slökkviliðið þakkar þeim kærlega fyrir vel unnin störf.

Er þetta liður í samningi sem gerður var við leikskólana um eldvarnarfræðslu.

Núna var æfð rýming á leikskólanum.  Farið var mjög varlega í sakirnar þar sem þetta er í fyrsta skipti hjá mörgum.

Almenn ánægja var með æfinguna sem tóks reglulega vel.

á eftir fengu allir að skoða slökkviliðsbílinn.  Slökkviliðsmennirnir sprautuðu síðan úr slöngunum og allir fengu að prufa að sprauta.

Bíllinn varð alelda á svipstundu

Mikil mildi þykir að ekki fór verr þegar bifreið varð alelda á svipstundu seinnipartinn í dag.

Bifreiðin var á suðurleið en óhappið varð á milli Haga og Tungumúla á Barðaströnd. Talið er að ökumaður hafi misst stjórn á bílnum en vitni lýsir atburðarrásinni þannig að bíllinn hafi farið útaf og stokkið svo alelda inn á veginn á ný.

Brunavarnir Vesturbyggðar voru kallaðar út og slökktu slökkviliðsmenn eldinn örugglega á skömmum tíma.

Ökumaður náði að stöðva bílinn þrátt fyrir að bremsurnar virkuðu ekki og náðu þá ökumaður og farþegar að flýja eldtungurnar. Fernt var í bílnum, ökumaður ásamt farþegum voru flutt á Heilsugæslunna á Patreksfirði til frekari skoðunar.

Brunavarnir Vesturbyggðar og slökkvilið Tálknafjarðar og æfðu húsbruna að Arnórsstöðum fyrir nokkru.  Til stóð að rífa efri Arnórstaði og þótti tilvalið að leyfa slökkviliðunum að æfa innanhússbruna.

Bernhard Jóhannesson þekktur brennuvargur frá Brunamálastofnun mætti og fór með mönnum yfir öryggisatriði æfingunnar.  Eftir að búið var að tryggja vatn með tveimur aðskildum leiðum var farið inn í húsið og kveikt í.  Reykkafarar fóru inn og kveiktu í nokkuð stóru herbergi og fylgdust með þróun eldsins inni í slíku rými.  Reykkafarar reyndu þá þær aðferðir sem búið er að kenna bóklega í nokkur ár.  Þannig var vel gerlegt að halda eldinum í niðri þrátt fyrir að eldtungurnar kviknuðu í gasinu sem myndast í reyknum yfir öllu herberginu. 

Þegar þessi fyrsti eldur var nokkurn veginn slökktur var farið út og eldi leyft að magnast innandyra.  Þá fóru tveir og tveir reykkafarar inn í húsið í einu og slökktu eldinn.  Þannig var í raun kveikt í húsinu í sex skipti.

Þegar þessar æfingar voru búnar var slökkvistarf utanhúss reynt með góðum árangri.  Reyklosun er annað atriði sem æft var en þá er rofið gat á þak hússins eða ofarlega á veggjum, allt eftir aðstæðum.  Hitanum er hleypt út og þar með megninu af reyknum en um leið verður að mynda yfirþrýsting inni í húsinu með reyklosunarblásara, þá geta reykkafarar farið inn og komist að eldinum og slökkt hann.

Bernhard sagði eftir æfinguna að mennirnir hefðu staðið sig mjög vel og fengið erfiðar aðstæður til þess að vinna úr. 

Hann hvatti íbúa sveitarfélaganna til þess að hugsa til slökkviliðanna þegar ætlunin er að rífa hús.  Þessar æfingar eru virkilega góðar fyrir slökkviliðin þarna komst menn næst því sem gerist í raunveruleikanum og geta æft við eins öruggar aðstæður og æfingar verða.

Davíð Rúnar slökkviliðsstjóri var einnig ánægður með æfinguna, hann sagði að sínir menn hefðu staðið sig vel og ljóst að mikið álag hafði skapast á þá, hver reykkafari hefði tæmt úr tveimur reykköfunarkútum sem er mjög mikið á mælikvarðar reykkafara. Sem skila um tvisvar sinnum fjörutíu mínútum í erfiðri reykköfun.

Við æfinguna var  notaður loftbanki í kerru sem er nýtilkomin og þess vegna var hægt að láta alla hafa reykköfunartæki og hafa einnig reykköfunartæki tilbúin ef til útkalls kæmi

Með því er möguleiki að þurfa ekki að nota útkallstækin sem eru tilbúin í bílunum ef til útkalls kæmi um leið.

Störf reykkafara eru skilgreind sem hættulegustu störf sem unnin eru á friðartímum.

Félagar okkar frá Akureyri mættu út á flugvöll með fræðslu varðandi flugvélaelda.  Annars vegar fyrri starfsmenn Flugstoða um daginn og síðan mættum við seinnipart dags og vorum fram eftir kvöldi.

Farið yfir bóklegt og verklegt í tengslum við flugvélaelda.  Kveikt í tveimur bílum og slökkt fljótt og örugglega.  Reglulega góð æfing og mætti vera að minnsta kosti tvisvar á ári þar sem við vitum hverjir það eru sem koma til með að fá verkefnið flugslys ef það verður á þessum velli.

Ósamræmis gætir hins vegar á milli Brunamálastofnunar og Flugstoða.  Í flestum brunavarnaráætlunum stendur að flugvélaeldar eru ekki innan starfsviðs slökkviliða og þess vegna er ekki lögð áhersla á þjálfun þeirra í þessum störfum.  Flugstoðir þjálfa sína starfsmenn í að bregðast við flugvélaeldum. 

Þegar eitthvað stórt gerist er hins vegar lýst yfir almannavarnarástandi og allir kallaðir til.  Þá eru slökkviliðin ekki þjálfuð í viðbrögðum við flugvélaeldum.  Reyndar eru flugslysaæfingar haldnar með fimm ára millibili á hverjum stað fyrir sig og þar er stuttlega farið yfir þessa þjálfun.

Þess vegna var gerður munlegur samningur á milli Brunavarna Vesturbyggðar og Flugstoða um gagnkvæma aðstoð.   Starfsmenn Flugstoða eru á útkallslista hjá slökkviliðunum og þeirra hlutverker að fara út á flugvöll og mæta með slökkvibílinn á eldstað ef kviknar í hjá okkur.  Hins vegar mætum við þegar eitthvað gerist úti á flugvelli.

Æfingarnar eru einnig sameiginlegar, það er að starfmenn Flugstoða eru velkomnir á okkar æfingar og við á þeirra.  Þetta hefur gefist vel og allir fá betri þjálfun.