300.000.000.000 kr. kosta herlegheitin og yrðu þar með láng stærstu framkvæmdir Íslandssögurnar. Það tekur meira en einn dag, eina viku eða 1 ára að ákveða svona lagað. En boltinn er hjá okkar nýju vinum Rússum og er það bara gott, því þeir eins og við Íslendingar eru að ryðjast inn á hinn vestræna markað (við í banka og verslun) og hafa ekkert nema gott í hyggju.

Mig langar enn og aftur til þess að hvetja ríkisstjórn okkar til þess að lýsa yfir stuðning við okkur ekki bara muldar þunnu hljóði eitthvað sem við skiljum ekki og um leið gefa leyfi til olíuleitar á Drekasvæðinu eða stofna til samstarfs eða stuðnings við námuvinnslu sem er að fara að eiga sér staða á Austurströnd Grænlands. Sýnið stuðning í verki við okkur sem hér búum og ekkert múður. Það væri nú gaman ef einhver blaðasnápurinn gæti komið þessu á framfæri, en það verður líklega seint því þeir eru flestir fæddir í 101 RVK og vita líklega ekki af hverju grasið er grænt eða himinn blár. Þeim er líklega ekki heldur kennt að höfuðborginn var byggð upp á landsbyggðinni.  Ekki síst Vestfjörðum.

Að lokum vil ég hvetja alla þá sem hér búa að hafa HÁTT og láta ekki deigan síga. Við eigum fullan rétt á því að hafa atvinnu og lifa þar sem við viljum. Ég ætla að skila landinu af mér til minna afkomenda þannig að þeir getir haldið áfram að lifa og haft það gott í sátt við land og náttúru.

ÁFRAM VIÐ SEM HÉR BÚUM.

Fyrsta mál er olíuhreinsistöð. Heyrði ég í Hilmari Foss í svæðisútvarpinu núna í dag 12. jún. 08 og af orðum hans að dæma er þetta 99% öruggt að af þessu verði eins og Ragnar sagði hjá RUV og er það alveg frábært.

Það hefur nú verið með þessa umfjöllum eins og aðrar umdeildar þ.e. að það heyrist alltaf mest í þeim sem eru á móti og þeim sem er á móti bara til þess að vera á móti og hafa ekki kynnt sér málið að neinu leiti. Hafa jafnvel  aldrei komið til Vestfjarða, Arnarfjarðar hvað þá Bíldudals eða Hvestu. Nú sýnist mér sem að menn séu á móti umhverfisvænum orkugjöfum. Það má ekki virkja jarðhita eða ár, allir eru á móti af því að það er töff. Þvílík endemis vitleysa. Niðurstaðan í þessu er einföld, það má ekki vinna jarðolíu, virkja vötn og ár eða beisla jarðhita. Tími til komin að dusta rykið af skinnskónum ef þetta fólk fær ráðið.

Við sem búum hér á svæðinu erum búin að fara á kynningarfundi og málþing um olíuhreinsistöð og erum upplýst og vitum betur heldur en þessi “af því bara” og maður reynir nú bara að brosa út í annað þegar maður heyrir einhvern tjá sig um þetta mál sem hefur ekki hundsvit á því, en um leið reiður.

Niðurrif húsa á Bíldudal er eitthvað sem kemur í  kjölfar snjóflóðavarnagarða og það er eins og menn gleymi stundum um hvað málið snýst og sjá allt í einu ljósið þegar það á að fara að rífa. En þau hús og hjallar sem á að rífa er hægt að sjá á arnfirðing.is og slóðin er

http://www.arnfirdingur.is/frettirpage.asp?ID=2476 Það er alveg ljóst að Vesturbyggð er ekki að fara að auglýsa gömul og niðurnídd hús þegar það getur ekki einu sinn selt þau sem eru íbúðarhæf fyrir. Bjarg er rústin ein og að mati húsafriðunarnefndar ekki viðbjargandi og Brekka ekki upp á marga fiska. Það hefur engin að mínu viti komið fram og viljað koma þessum eignum til bjargar og þar af leiðandi verða þau rifin það er ekkert einfaldara en það. Vesturbyggð er ekki að fara í endurreisn þessara húsa, við eigum alveg nóg með það að viðhalda því samfélagi sem við búum í í dag. Þegar olíuhreinsistöðin kemur þá höfum við nóg með að móta nýtt samfélag. Enn og aftur þá eru tildrög þess að það er verið að reisa þessa snjóflóðavarnagarða til þess að vernd þá byggð sem er undir Búðargili og er í fullri byggð, gleymum ekki því. Það þarf að stýra því flóði sem gæti orðið í ákveðin farveg og eru Bjarg og Brekka í honum. Það er ekki alltaf hægt að halda í það gamla bara af því að það er gamalt, það er hægt að gera það í máli og myndum. Langiskúr, gamlabryggjan, brautarteinarnir o.m.fl. þetta er allt farið. Lífið heldur áfram. Það væri óskandi að það væri hægt að setja allt gamalt í formalín og dún en það er bara ekki hægt. Vesturbyggð sækir árlega til fjárlaganefndar um peninga til þess að koma gömlum húsum í stand og eru það alltaf sömu húsin og verða það líklega áfram um ókomin ár, þar sem þeir fjármunir sem fást eru ávalt skornir við nögl og þarf því að sækja um aftur og aftur og aftur.

Í mínum huga er þetta alveg borðliggjandi í báðum þessum málum, menn eru með eða á móti eða alveg sama. Þannig verður það og þannig mun það alltaf vera.

Ég held að það þurfi enga fræðimenn til þess að segja okkur það að þegar það er uppgangur og mikið líf á einhverjum stað þá lifnar allt annað við líka þ.e. félagslífið,  tómstundir og íþróttir. Þetta er bara svona, og svona verður þetta alltaf.

Þetta málþing samfærði mig mun meira um það að olíuhreinsistöð á heima í Arnafirði. Þeir sem töluðu fyrir Landvernd og Náttúruverndarsamtökin voru ekki að gefa okkur neina góða ástæðu fyrir því að þetta ætti ekki að rísa í Arnafirði nema barnalega og kjánalega eins og menn sem vilja bara ræða hlutina frá einu sjónarhorni. Þeir hugsa hnattrænt en ekki um okkur. Þeir vilja helst af öllu setja tappann í borholurnar og hætta að dæla upp olíu, auðvitað væri það best (fyrir þá). En við vitum að það gerist ekki. Vinir okkar í austri, vestri og arabar í suðri gefa nú ekki mikið fyrir þær hugmyndir.

Árna hjá Náttúruverndarsamtökunum finnst þetta bara ljótt (olíuhreinsistöð), mér finnst líka klippingin hjá honum ljót en það er líka bara mín skoðun. Honum finnst hún sjálfsagt flott, mér finnst olíuhreinsistöð töff, en það er líka mín skoðun. Ég held að þetta fólk ætti að skoða svolítið hvað er að gerast í sínum bakgarði þ.e. Hellisheiði og Helguvík. Annars finnst mér alltaf gott að nota samlíkinguna “að berja hausnum við stein” en það er maður að gera þegar tala er við svona fólk. Það getur ekki átt málefnalega samræður.

Sem mótvægi við þetta langar mig að hrósa Ólafi Egilssyni og Hafsteini Helgasyni um þeirra fyrirlestur, mjög góður. Reynslan að austan sem Smári Geirsson sagði okkur frá líka frábær og gerði hann okkur grein fyrir því að Áver á Reyðarfirði og virkjunin á Kárahnjúkum var það sem þurfti og var ekkert að skafa af því. Ástandið væri litlu betra þar heldur en hér ef til þess hefði ekki komið.

Í lokin þá langar mig að skora á ríkistjórnina til þess að styðja þessar hugmyndir okkar.

Aftur í lokin finnst mér alltaf gott að velta fyrir mér “ef ekki” hvað þá. Sjálfstæði eða hvað?? Nú það er kannski líka eitt í myndinni þ.e. að við sem enn búum út á landsbyggðinni séu á beinum launum hjá ríkinu. Ástæðan er jú sú að við erum síðasti Geirfuglinn og fólk vill koma og horfa á okkur, er það ekki. Fólk úr borginni er að klára að kaupa upp dali og bæi á landsbyggðinni þannig að það þarf einhver að þrífa húsin, slá túnin og selja þeim kók og prins.

Baráttukveðjur,

Ég lagði nú fram tillögu á síðasta fjórðungsþingi að það ættir að skoða mögulegt sjálfstæði Vestfjarða. Þessi tillaga var svo afskræmd í fjórðungsmálanefnd út í það að láta gera könnun á á mikilvægi Vestfjarða síðust áratugi þ.e. hvers virði við vorum og hvers virði við erum. Það segir sig sjálft við erum orðin kvótalaus og fámenn, og þar af leiðandi einskis virði í  augum fjöldans. Jú, við eigum okkar fögru firði og fjöll sem allir tala um en engin kemur að skoða.

            Norðanmenn taka höndum sama og álykta um enn bættari samgöngur og virðast alltaf bera okkur ofurliði, sem er ekkert skrítið þeir eru jú fleiri. En ég skrifa kannski af kunnáttuleysi og tala um að kannski eigi fé sem koma skal til uppbyggingar á vegum Vestfjarða í tvo flokka annarsvegar sunnanverðir Vestfirðir og svo hinsvegar norðan verðir Vestfirðir. Þá geta norðanmenn slegist um þá upphæð sem er úthlutað á því svæði. Því ég held að við sem erum hér sunnar séum öll sammála um hvað þarf að gera hér.

Nú er hún Þórunn vinkona okkar að vinna að eitthvers konar lagabreytingu í skipulagsmálum. Ég veit ekkert hvað hún er að gera, en sem leikmaður þá myndi maður ætla að hún sé að vinna í því að taka skipulagsmálin aftur í sínar hendur svo við fáum ekkert um það ráðið hvort hér geti risið olíuhreinsistöð eða ekki. Því held ég að við verðum að hafa hraðar hendur og ÞRÝSTA á svar Íslensks Hátækniiðnaðar.

Nú ef ekkert af verður þá ættum við kannski hér á sunnanverðum Vestfjörðum að feta í fótspor Kosova.

En ég SKORA á Geir og Össur og aðra ráðherra sem eru með vit í kollinum til þess að gefa okkur smá meðbyr og gefa okkur grænt ljós á þær hugmyndir okkar að hér geti risið olíuhreinsistöð. Því ekkert bólar enn á þessari blessuðu byggðastefnu.

En  svo við drögum fram rökfærslu mín í málinu þá er hún svona og ósköp einföld.

-                     Viljayfirlýsing við Jón í Hvestu

-                     Viljayfirlýsing Vesturbyggðar um skipulagsmál

-                     Stærri, betri og dýpri fjörður

-                     Allt annað veðurfar í Arnarfirði en Dýrafirði á veturna

-                     Nálægð við Snæfellsnes

-                     Nálægði við höfuðborgarsvæðið

-                     Samgöngubætur á Vestfjörðum hraðari

Vesturbyggð ljáði þessu máli strax mikinn áhuga og viljayfirlýsing bæjarstjórnar hefur hjálpað Íslenskum Hátækniiðnaði að halda í þessu máli góðu lífi hingað til. Þ.e. að Vesturbyggð hefur verið tilbúið í slaginn frá fyrstu stundu.

Ég ætla ekki að leyna því að það er lífsspursmál fyrir okkur á sunnanverðu Vestfjörðum að þessi stöð verði staðsett  í Arnarfirði. Það er alveg ljóst að það sveitarfélag sem kemur til með að tryggja bestu samgöngur erum við á sunnanverðum Vestfjörðum. Hvernig, jú, málið er það að ef stöðin verður staðsett í Dýrafirði þá er ekki jafn mikið kappsmál að koma okkur í samband. En ef hún fellur hjá okkur í Arnarfjörð þá verður allt kapp lagt í það að koma þeim í samband við okkur. Þetta er ósköp einfalt.

Ég ætla ekkert að leyna því að málið er komið á það stig í dag að ég verð að lýsa þessari afstöðu minni þ.e. að ég vill fá þess stöð í Arnarfjörð. Ég ætla ekkert að vera neitt dipló á því og segja að það sé sama hvar hún kemur þá verður hún öllum til góðs. Það er bara ekki satt, jú, kannski eftir 20 ár þegar samgöngur verða komnar í lag við norðursvæðið ef að stöðin verðu reist í Dýrafirði. En þá verða allir löngu farnir. Þannig að mig langar að ítreka það að samgöngur verða best tryggðar ef að þessi olíuhreinsistöð rísi í Arnarfirði.

Boltinn er að sjálfsögðu hjá Íslenskum Hátækniiðnaði.

Íslenskur Hátækniiðnaður, ykkur er frjálst að gefa boltann bara strax til okkar þannig að við getum byrjað að gera klárt J

Með olíu- og jólakveðju,

Það gleður mig mikið að fjárlaganefnd skuli hafa ljáð okkur augu hér fyrir vestan þ.e. Skrímslasetur og Sjóræningjahúsið annað fékk 4 milljónir og hitt 5 milljónir. En málið er nú bara það að þetta er nú eins og kasta kjöthleif í 10 hungraða úlfa, því ég veit allavega í tilfelli Skrímslaseturs þá var sóttu um mun meira og þeim færð mjög vönduð og flott rekstaráætlun (get því miður ekki tjáð mig mikið um sjóræningjahús, en geri ráð fyrir að það sé á sömu nótum). Á þessu síðustu og verstu tímum þá er verið að skera niður styrkumsóknir til þessara góðu málefna og framtíðaverkefna sem geta skapað ófá störf samanber Galdrasýning á ströndum. Ég held að Gunnar Svavarsson og meðlimir fjárlaganefndar ættu að skammast sín og hugsa sig tvisvar um þegar þeir fá svona vandaðar og flottar umsóknir frá svæðum sem þurfa virkilega á því að halda að fá allan þann stuðning sem hægt er að fá.

En það virðist sem við séum alltaf að berja hausnum við stein að reyna að treysta á þessa háu herra í RVK.

En við verðum bara að halda áfram (að berja hausnum við stein J).

Nú ætlar allt um  koll að keyra varðandi þennan ágæta byggðarkvóta sem var eyrnamerktur Stöpum ehf. nú síðast. Að Stöpum ehf. standa okkar stöndugustu sjávarútvegsfyrirtæki á Suðursvæðinu, en þessi tvö fyrirtæki sjá sér ekki fært að standa að fiskvinnslu eftir að þeir fengu rýtinginn i bakið hjá okkar ágæta sjávarútvegsráðherra, nú líka landbúnaðarráðherra (hélt að það væri ekki á einn mann bætandi). En hann gaf loforð á fundi fyrir kosningar að þessu fyrirtæki yrði veitt það brautargegni sem til þurfti. En ekki er allt gull sem glóir, við verðum  búin að gleyma þessu í næstu kosningum.

Nóg um það. Mál málana er hvað á að gera við þennan kvóta? Ég hef engin svör. Það eru aðilar sem haf sýnt honum áhuga, sem er skiljanlegt því í þessum nokkru tonnum liggja gríðarlegir fjármunir. En málið er bara það að þetta er samt skítur á priki ef að það á að gera eitthvað úr honum 132 tonn (minnir mig). Ég ætla ekki að dæma þá aðila sem hafa áhuga á þessu en eitt er víst að þessir aðilar sem eru fjórir verða til svara hjá bæjarráði eftir helgi og ég segi að sá sem býður best fyrir þennan kvóta (fyrir Bílddælinga) fái hann, ekkert flóknara en það.

Megi sá besti vinna.

Svo ég upplýsi ykkur um stöðu mála varðandi olíuhreinsistöð þá er okkar blessaða skýrsla sem Fjórðungssambandið er búin að láta vinna fyrir okkur að smella saman þannig að hún ætti að komast í hendur á þeim sem málið varðar eftir nokkrar daga. Þá að sögn Hilmars Foss eins af stofnendum Íslensk Hátækniiðnaðar er ekki eftir neinu að bíða en taka ákvörðun um staðsetningu. Vona ég að það geti verið í Desember og væri ekki leiðinlegt að fá 1 stk. í jólagjöf.

Það sem er klárt er skýrsla um gróður, fugla, fornleirar, dýptamælingar og samfélagsgreining. En skýrsla frá Siglingamálastofnun hefur ekki verið kláruð en endanleg úrvinnsla er væntanleg þannig að ég býð spenntur. Það sem hefur komið fram í þessum skýrslum er ekkert óvænt þannig að það er líklega ekkert því til fyrirstöðu að þetta getir risið hér í Vesturbyggð.

Þeir hjá Íslenskum Hátækniiðnaði eru með lykilinn að Hvestu (í formi viljayfirlýsingu) og lykilinn að Vesturbyggð ( í formi skipulagsmála), þannig að ég vona að þeir velji rétt.

Jón Hákon Ágústsson