Ömurlegt að ekki sé hlustað á rök heimamanna

Bæjarráð Vesturbyggðar samþykkti eftirfarndi bókun á fundi sínum í morgun.

"Bæjarráð Vesturbyggðar átti fund með heilbrigðisráðherra, föstudaginn 15. nóvember sl. Fram kom að engin stefnubreyting hefur orðið hjá ráðherra varðandi sameiningu heilbrigðisstofnana og enginn áhugi er hjá ráðherra að gera samning við sveitarfélagið um yfirtöku þess á rekstri Heilbrigðisstofnunarinnar á Patreksfirði. Bæjarráð óttast að með sameiningunni muni þjónusta skerðast og öryggi íbúa verði ógnað. Allar sveitarstjórnir á Vestfjörðum hafa mótmælt fyrirhugaðri sameiningu, það eitt ætti að segja margt. Bæjarráð Vesturbyggðar harmar skilningsleysi ráðherra á landfræðilegri sérstöðu byggðar á Vestjförðum og erfiðum samgöngum innan Vestfjarðar og hvetur heilbrigðisráðherra, ríkisstjórn og Alþingi að endurskoða þær tillögur sem settar hafa verið fram um sameiningu heilbrigðisstofnanna á landsbyggðinni. Það er ömurlegt að ekki sé hlustað á rök heimamanna og forsvarsmanna HSP gegn sameiningu.

 

 

X
Til baka
Vesturbyggð - Kt. 510694-2369 - Aðalstræti 63 - 450 Patreksfirði - Sími: 450 2300 - Fax: 456 1142 - Netfang: vesturbyggd@vesturbyggd.is