Hoppa yfir valmynd

Bóka­safn Vest­ur­byggðar komið á leitir.is

Nýlega voru öll þrjú bóka­söfnin í sveit­ar­fé­laginu sameinuð í eitt safn, bóka­safn Vest­ur­byggðar. Nú er sameinaða safnið einnig til á leitir.is.


Skrifað: 22. október 2024

Það þýðir að nú er hægt að fara inn á slóðina vesturbyggd.leitir.is og leita að efni á öllum þremur söfnunum samtímis. Þetta gerir leit að efni auðveldari og fljótlegri fyrir notendur.

Hvað er leitir.is?

Leitir.is er leitargátt sem heldur utan um efni í íslenskum bóka-, lista-, minja- og ljósmyndasöfnum. Hægt er að finna bækur, tímarit, tímaritsgreinar, tónlist, myndefni, muni, listaverk, ljósmyndir og fleira. Með því að skrá sig inn með rafrænum skilríkjum er einnig hægt að taka frá bækur sem eru í útláni, panta í millisafnaláni, framlengja lán og fleira. Ef fólk vill frekari útskýringar eða sýnikennslu er bara að koma við á einu safnanna.

Forstöðumaður bókasafna Vesturbyggðar

AH

bokpatro@vesturbyggd.is/+354 450 2374