Almennt um kosn­ing­arnar

Kosn­ingar til sveit­ar­stjórnar fylgja kosn­inga­lögum en kosn­ingar til heima­stjórna fylgja reglu­gerð um íbúa­kosn­ingar sveit­ar­fé­laga. Við samein­ingu 2024 samþykktu sveit­ar­stjórnir Vest­ur­byggðar og Tálkna­fjarð­ar­hrepps reglur um kosn­ingar til heima­stjórna og eru þær enn í fullu gildi. Munurinn fyrir kjós­endur felst aðal­lega í kosn­ing­ar­aldri og hvar skuli kjósa áður en kemur að kjör­degi. Kosn­ing­ar­aldur til sveit­ar­stjórnar er 18 ár en til heima­stjórna er hann 16 ár.

Utan­kjör­fund­ar­at­kvæða­greiðsla í sveit­ar­stjórn­ar­kosn­ingum fer fram á skrif­stofum sýslu­manna um allt land fram til föstu­dagsins 15. maí en kjör­dagur er laug­ar­daginn 16. maí. Atkvæði í sveit­ar­stjórn­ar­kosn­ingum þarf að senda til Vest­ur­byggðar, Aðalstræti 75, 450 Patreks­firði ef kosið er annars staðar en á Vest­fjörðum. Hjá sýslu­manni Vest­fjarða á Ísafirði og Hólmavík má skilja atkvæðið eftir á skrif­stofum þeirra og því verður komið til Patreks­fjarðar fyrir kjördag.

Í heima­stjórn­ar­kosn­ing­unum er kosið í ráðhúsi Vest­ur­byggðar, Aðalstræti 75, Patreks­firði frá og með föstu­deg­inum 24. apríl til og með föstu­dagsins 15.maí fyrir allar fjórar heima­stjórn­irnar og á kjör­degi 16. maí í öllum kjör­deildum sveit­ar­fé­lag­anna. Jafn­framt má óska eftir að fá að greiða atkvæði i póst­kosn­ingu þar sem kjós­andi fær sendan atkvæða­seðil, ýmist í pósti eða rafrænt samkvæmt reglum þar um. Kjörgengir til heima­stjórnar eru allir íbúar sem náð hafa 18 ára aldri á kjördag en íbúar 16-18 ára geta kosið í heima­stjórn­ar­kosn­ing­unum.

Nánari upplýs­ingar um atkvæða­rétt og utan­kjör­fund­ar­at­kvæða­greiðslu eru hér fyrir neðan.

Hægt er að fletta upp hvort maður megi kjósa á heima­síðu Þjóð­skrár.

Sveit­ar­stjórn­ar­kosn­ingar

Kjörgengir eru:

• Allir íslenskir ríkis­borg­arar sem náð hafa 18 ára aldri á kjördag og sem skráðir voru með lögheimili í Vest­ur­byggð 8. apríl 2026.
• Allir danskir, finnskir, norskir og sænskir ríkis­borg­arar sem eiga lögheimili í öðru hvoru sveit­ar­fé­laginu og hafa náð 18 ára aldri á kjördag.
• Aðrir erlendir ríkis­borg­arar sem hafa náð 18 ára aldri á kjördag, hafa átt lögheimili hér á landi í þrjú ár samfellt fyrir kjördag og eru skráðir með lögheimili í Vest­ur­byggð.

Heima­stjórna­kosn­ingar

• Allir íslenskir ríkis­borg­arar sem náð hafa 16 ára aldri á kjördag og sem skráðir voru með lögheimili í Vest­ur­byggð 8. apríl 2026.
• Allir danskir, finnskir, norskir og sænskir ríkis­borg­arar sem eiga lögheimili í Vest­ur­byggð og hafa náð 16 ára aldri á kjördag.
• Aðrir erlendir ríkis­borg­arar sem hafa náð 16 ára aldri á kjördag, hafa átt lögheimili hér á landi í þrjú ár samfellt fyrir kjördag og eru skráðir með lögheimili í Vest­ur­byggð.

Hægt er að fletta upp sínum kjör­stað á heima­síðu Þjóð­skrár.

Kosið verður til sveit­ar­stjórnar og heima­stjórna á kjördag á eftir­far­andi stöðum:

• Félags­heim­ilinu Bald­urs­haga á Bíldudal
• Félags­heim­ilinu Birkimel á Barða­strönd
• Íþrótta­húsinu Bröttu­hlíð á Patreks­firði
• Tálkna­fjarð­ar­skóla

Upplýs­ingar verða birtar síðar.

Sveita­stjórn­ar­kosn­ingar

Utan­kjör­fund­ar­at­kvæða­greiðsla hófst föstu­daginn 17. apríl 2026.

Hægt er að kjósa utan kjör­fundar á skrif­stofu sýslu­manns Vest­fjarða að Aðalstræti 92 á Patreks­firði á afgreiðslu­tíma.

Þá er einnig hægt að kjósa utan kjör­fundar á skrif­stofum sýslu­manna um allt land fram til föstu­dagsins 15. maí. Atkvæði í sveit­ar­stjórn­ar­kosn­ingum þarf að senda til Vest­ur­byggðar ef kosið er annars staðar en á Vest­fjörðum. Hjá sýslu­manni Vest­fjarða á Ísafirði og Hólmavík má skilja atkvæðið eftir á skrif­stofum þeirra og því verður komið til Patreks­fjarðar fyrir kjördag.

Heima­stjórn­ar­kosn­ingar

Kosið er í ráðhúsi Vest­ur­byggðar að Aðalstræti 75 á Patreks­firði á opnun­ar­tíma:

• Mánu­daga til fimmtu­daga kl. 10:00-12:30 og 13:00-15:00
• Föstu­daga kl. 10:00-13:00

Kosning hefst föstu­daginn 24. apríl 2026.

Póst­kosning

Sjái íbúi sér ekki fært að mæta á kjör­stað er hægt að óska eftir því að greiða atkvæði sitt með póst­kosn­ingu. Slík beiðni skal berast skrif­stofu Vest­ur­byggðar í tölvu­pósti eða í síma og skal taka fram hvort kjör­gögn eigi að berast til viðkom­andi aðila í almennum bréf­pósti eða í tölvu­pósti. Sé kosið í póst­kosn­ingu ber íbúi ábyrgð á að koma kjör­seðli á kjör­stað fyrir lokun kjör­staða, 16. maí.

Beiðnir sendist á netfangið vest­ur­byggd@vest­ur­byggd.is eða í síma 450 2300.

Nánari upplýs­ingar um ýmis­legt er varðar sveit­ar­stjórn­ar­kosn­ingar má finna á Ísland.is. Þar er meðal annars hægt að glöggva sig á leið­bein­ingum um hvernig eigi að kjósa og rétti kjós­enda á því að fá aðstoð við að kjósa.