Fjar­nám­skeið — Ólseigir krakkar

Fræðslumiðstöð Vestfjarða býður upp á fjarnámskeið fyrir foreldra barna á leik- og grunnskólaaldri miðvikudaginn 18. nóvember 2026 kl. 19:00–21:30. Á námskeiðinu verður fjallað um hvernig foreldrar geta eflt sjálfstraust, þrautseigju og seiglu barna sinna.

Á námskeiðinu verða kynntar hagnýtar aðferðir til að hjálpa börnum að takast á við áskoranir, mistök og mótlæti. Einnig verður fjallað um mikilvægi hvatningar, hróss og sjálfstæðis í uppeldi barna.

Kennari er Ársæll Arnarson, prófessor við Menntavísindasvið Háskóla Íslands.

Námskeiðið fer fram í fjarkennslu og kostar 19.900 kr. Félagsfólk tiltekinna stéttarfélaga getur sótt námskeiðið án endurgjalds og aðrir geta átt rétt á styrk úr starfsmenntasjóðum.

Nánari upplýsingar um námskeiðið, greiðsluþátttöku stéttarfélaga og skráningu má finna á vef Fræðslumiðstöðvar Vestfjarða.