Íbúa­fundur um ofan­flóða­varnir á Patreks­firði

Íbúum á Patreksfirði er boðið að kynna sér fyrirhugaðar ofanflóðavarnir við Stekkagil og Sigtún þriðjudaginn 11. nóvember.

Á fundinum verður kynnt frumathugun á snjótæknilegri hönnun varna og tillögur að landmótun og mótvægisaðgerðum á svæðinu. Frumathugunina kynnir Gísli S. Pétursson frá Verkís, Aðalheiður Kristjánsdóttir frá Landmótun fjallar um mótvægisaðgerðir og Kristín Martha Hákonardóttir frá Umhverfis-, orku- og loftslagsráðuneytinu fer yfir tímalínu verkefnisins.

Fjóla Jóhannesdóttir frá Framkvæmdasýslu ríkisins verður einnig á fundinum.

Öll eru hjartanlega velkomin.