Bæjarstjóri
Bæjarstjóri er framkvæmdastjóri sveitarfélagsins og æðsti yfirmaður starfsliðs þess og hefur á hendi framkvæmd ákvarðana bæjarstjórnar og málefna sveitarfélagsins að svo miklu leyti sem bæjarstjórn ákveður ekki annað. Þá er bæjarstjóri prókúruhafi bæjarsjóðs, undirritar skjöl varðandi kaup og sölu fasteigna sveitarfélagsins, lántökur og aðrar skuldbindingar hans. Hann kemur fram fyrir hönd sveitarfélagsins og er ábyrgur fyrir starfsemi þess. Hann undirbýr fundi bæjarráðs og bæjarstjórnar, semur dagskrá og boðar til funda. Þá á bæjarstjóri sæti á fundum bæjarstjórnar og bæjarráðs og hefur þar málfrelsi og tillögurétt. Jafnframt hefur hann rétt til setu á fundum ráða sveitarfélagsins með sömu réttindum.
Bæjarstjóri Vesturbyggðar er Gerður Björk Sveinsdóttir
Gerður hóf störf sem bæjarstjóri í júní 2024 en endurráðning hennar var samþykkt á bæjarstjórnarfundi 9. júní 2026.
Gerður er fædd í Reykjavík 21. janúar árið 1977 og er viðskiptafræðingur að mennt. Gerður er gift Davíð Páli Bredesen, og eiga þau þrjú börn, Rakel Jónu, Ísak Erni og Ólaf Inga.
Gerður hefur starfað hjá Vesturbyggð síðan 2016, fyrst sem verkefnastjóri en sem sviðsstjóri fjármála- og stjórnsýslusviðs og staðgengill bæjarstjóra síðan 2019. Hún gegndi jafnframt hlutverki verkefnastjóra yfir sameiningu sveitarfélaganna tveggja Vesturbyggðar og Tálknafjarðarhrepps.
Viðtalstími bæjarstjóra
Viðtalstími bæjarstjóra er milli kl. 10:00 og 12:00 á mánudögum.
Hægt er að bóka fund í gegnum hlekk hér.
Almennt er staðsetning fundanna í ráðhúsi Vesturbyggðar að Aðalstræti 75, Patreksfirði, en einnig er hægt að velja að hafa fundina í fjarfundi og tilgreina það þá við bókun. Viðtalstímar utan ráðhúss verða auglýstir sérstaklega en boðið verður upp á fundi í byggðakjörnum sveitarfélagsins.
Hægt er að hafa samband á skrifstofu Vesturbyggðar í símar 450 2300 og óska eftir fundi við bæjarstjóra utan auglýsts viðtalstíma ef sá tími hentar ekki.