Almannavarnarnefnd #2

Farið var yfir upplýsingar um þann búnað sem viðbragðsaðilar á svæðinu eiga.

Formaður fór yfir drög að greinargerð um grunninnviði á svæðinu vegna vinnu starfshóps fimm ráðuneyta sem falið er að meta hvaða aðgerðir séu færar til að efla innviði í flutnings- og dreifikerfi raforku og fjarskiptum til að tryggja að slíkir grunninnviðir séu sem best í stakk búnir til að takast á við ofsaveður eða aðrar náttúruhamfarir.

Svava Magnea Matthíasdóttir, hjúkrunarstjóri Heilbrigðisstofnun Vestfjarða Patreksfirði fór yfir stöðu Kórónuveirunnar og leiðbeiningar hvernig bregðast skuli við ef veiran greinist hér á svæðinu.

Lögð fyrir drög að samningi við Íslandshótel að Vesturbyggð sé heimilt að nýta húsnæðið að Aðalstræti 100 á Patreksfirði fyrir fjöldahjálparstöð, vegna rýmingar við snjóflóðahættu og ef upp kemur almannavarnarástand á svæðinu.