Almannavarnarnefnd #6

Umræður um stjórnskipun almannavarnarnefndar.

Samþkkt að bæjarstjóri Vesturbyggðar sé formaður nefndarinnar og sveitarstjóri Tálknafjarðar varaformaður.

Formanni almannavarnanefndar falið að vinna samþykktir fyrir almannavarnanefnd og leggja fyrir nefndina til samþykktar.

Drög að starfsáætlun almannavarnanefndar lögð fyrir til samþykktar.

Lagt er til að almannavarnarnefnd Vesturbyggðar og Tálknafjarðarhrepps fundi á eftirfarandi dögum á árinu 2023:

18. apríl 2023
30. maí 2023
31. október 2023

Fundarboð skal sent með minnst tveggja sólarhringa fyrirvara og telji formaður ekki ástæðu til að funda skal það tilkynnt með sama fyrirvara.

Starfsáætlun almannavarnanefndar samþykkt samhljóða.

Umræður um flugslysaæfingu sem fyrirhuguð er í lok apríl 2023 í Vesturbyggð. Æfingin er á vegum Isavia í samtarfi við viðbragðsaðila á svæðinu.

Kynnt er 3.0 útgáfa að handbók fyrir aðgerðarstjórn almannavarnarnefndar Vestfjarða, sem gefin var út 30. nóvember 2022. Áætlað er að haldin verði námskeið og þjálfun fyrir viðbragðsaðila og þá sem skipa vettvangsstjórn og aðgerðarstjórn.

Umræður um krapaflóðið sem féll á Patreksfirði 26. janúar 2023, flóðinu í Tunguá á Tálknafirði 13. febrúar 2023 ásamt bruna í Norðurbotni í Tálknafirði 23. febrúar síðastliðinn.

Almannavarnarnefnd vill þakka viðbragðsaðilum fyrir fumlaus viðbrögð í þeim aðstæðum sem sköpuðust í tengslum við atburðina.

Rætt um aðstöðu fyrir aðgerðarstjórn almannavarna á Vestfjörðum í húsnæði Björgunarfélags Ísafjarðar við Sindragötu á Ísafirði, sem var opnuð 17. mars 2023.