Atvinnu og menningarráð #5

Lagður fram tölvupóstur dags. 4. ágúst sl. frá Guðrúnu Ingimundardóttur varðandi verkefnið "Þjóðmenning á Vestfjörðum". Verkefnið felur í sér að skilgreina og safna upplýsingum um stofnanir, frjáls félagasamtök, hópa o.fl. sem fjalla um menningararf Íslendinga og að kynna sáttmála UNESCO frá árinu 2014 um verndun menningarerfða.
Atvinnu- og menningarráð tekur jákvætt í verkefnið og vísar erindinu til félagsmálastjóra sem verði tengiliður við stjórnanda verkefnisins.

Lagt fram bréf dags. 15. september sl. frá Bændasamtökum Íslands með umsögn um samþykkt um búfjárhald í Vesturbyggð.
Atvinnu- og menningarráð felur skrifstofustjóra að senda samþykktina með áorðnum breytingum til atvinnu- og nýsköpunarráðuneytisins. Víðir H. Guðbjartsson lét bóka að hann taki ekki þátt í afgreiðslu málsins.

Lögð fram gögn vegna vinnu við fjárhagsáætlun 2016 ásamt yfirliti beiðna um sérgreind verkefni frá forstöðumönnum bókasafna og félagsheimila.
Lagt fram til kynningar.

Atvinnu- og menningarráð ítrekar ósk um að Elsa Reimarsdóttir, félagsmálastjóri mæti á næsta fund ráðsins til viðræðna um menningarmál.