Atvinnu og menningarráð #6

Lagt fram erindi sem vísað var til atvinnu- og menningarráðs af bæjarráði á 747. fundi þess 27. október sl. með beiðni um umsögn varðandi umsókn um byggðakvóta fiskveiðiársins 2015/2016.
Atvinnu- og menningarráð mælir með að sömu reglur og giltu fiskveiðiárið 2014/2015 um úthlutun byggðakvóta sveitarfélagsins gildi á fiskveiðiárinu 2015/2016.

Lagt fram erindi sem vísað var til atvinnu- og menningarráðs til kynningar af bæjarráði á 747. fundi þess 27. október sl. varðandi eldi á allt að 19.000 tonnum af laxi og regnbogasilungi í Patreksfirði og Tálknafirði.
Atvinnu- og menningarráð tekur undir bókun bæjarráðs um mikilvægi þess að opinberar eftirlitsstofnanir sinni hlutverki sínu af alúð í þágu umhverfis og lífríkis sjávar m.a. með því að hafa fasta starfsstöð á sunnanverðum Vestfjörðum þar sem á landssvæðinu er eitt umfangsmesta sjókvíaeldi í landinu.
Lagt fram til kynningar.

Mætt til viðræðna við atvinnu- og menningarráð um menningarmál Elsa Reimarsdóttir, félagsmálastjóri.
Almennt rætt um málefnið og þau verkefni sem eru í gangi hjá sveitarfélaginu.