Fundur haldinn í Aðalstræti 63, Patreksfirði, 27. nóvember 2017 og hófst hann kl. 17:00
Fundargerð ritaði
- Þórir Sveinsson skrifstofustjóri
Almenn erindi
1. Fjárhagsáætlun 2018.
Lagt fram frumvarp að fjárhagsáætlun 2018 og 4ra ára áætlun 2018-2021.
Bæjarráð vísar frumvarpi að fjárhagsáætlun 2018 og 4ra ára áætlun 2018-2021 til fyrri umræðu í bæjarstjórn miðvikudaginn 29. nóvember nk.
2. Aflið - styrkbeiðni 2018.
Lagt fram tölvubréf dags. 20. nóvember sl. frá Aflinu samtökum gegn kynferðis- og heimilisofbeldi með beiðni um styrkveitingu fyrir starfsemi félagsins á árinu 2018.
Bæjarráð sér sér ekki fært að verða við erindinu.
3. Samanhópurinn - styrkbeiðni 2018.
Lagt fram tölvubréf dags. 20. nóvember sl. frá Samhópnum samtökum um forvarnir og velferð barna með beiðni um styrkveitingu fyrir starfsemi félagsins á árinu 2018.
Bæjarráð sér sér ekki fært að verða við erindinu.
4. Atvinnu- og nýsköpunarráðuneytið - byggðakvóti fiskiveiðiárið 2017-2018.
Lagt fram bréf dags. 21. nóvember sl. frá atvinnu- og nýsköpunarráðuneytinu þar sem tilkynnt er um að Vesturbyggð hefur verið úthlutað 199 þorskígildistonnum sem byggðakvóta fiskveiðiársins 2017-2018.
Bæjarráð vísar erindinu til atvinnu- og menningarráðs til umsagnar.
5. Ísland ljóstengt - landsátak í uppbyggingu fjarskiptainnviða.
Rætt um fjárveitingu úr verkefninu Ísland ljóstengt, en Vesturbyggð er úthlutað 13,5 millj.kr. úr Fjarskiptasjóði. Gerður B. Sveinsdóttir, verkefnastjóri samfélagsuppbyggingar sat fundinn undir þessum lið dagskrár.
Bæjarráð samþykkir að þiggja styrk úr Fjarskiptasjóði vegna verkefnsins Ísland ljóstengt og vísar erindinu til fjárhagsáætlunargerðar 2018.
Til kynningar
Fleira ekki gert. Fundi slitið kl. 19:34