Bæjarráð #830

Lögð fram drög að brunavarnaráætlun fyrir Vesturbyggð og Tálknafjarðarhrepp.
Bæjarráð vísar drögunum til skipulags- og umhverfisráðs.

Lagt fram bréf frá sveitarfélaginu NordFyn dags. 9. mars sl. þar sem tilkynnt er að sveitarfélagið segi sig úr vinabæjarsamstarfi fimm sveitarfélaga á Norðurlöndum eða Nordfyn, Vesturbyggðar, Svelvik, Vadstena og Naantali.
Bæjarráð felur bæjarstjóra að segja Vesturbyggð úr vinabæjarsamstarfinu og þakkar bæjarráð samstarfið og vináttu í gegnum árin.

Lagt fram bréf dags. 7. mars sl. frá Westfjords Adventures með ósk um framlengingu á samningi við fyrirtækið um rekstur upplýsingamiðstöðvar á Patreksfirði á tímabilinu 15. maí til 15. september 2018.
Bæjarráð samþykkir erindið og felur bæjarstjóra að semja við Westfjords Adventures.

Lagt fram bréf dags. 6. mars sl. ásamt fylgigögnum frá Elfari St. Karlssyni, forstm. tæknideildar með ósk um að bifreið áhaldahússins á Patreksfirði Toyota Hilux ZP886 verði seld en þess í stað verði ný bifreið keypt fyrir starfsmann veitna Vesturbyggðar.
Bæjarráð samþykkir kaup á bifreið fyrir vatns- og fráveitu Vesturbyggðar og boðar forstm.tæknideildar á næsta fund bæjarráðs til viðræðna um rekstur áhaldahúsa og veitna Vesturbyggðar.

Lagt fram bréf dags. 9. mars sl. frá forsvarsmönnum keppenda Patreksskóla í skólahreysti 2018 og foreldra þeirra með beiðni um 90.000 kr. styrk vegna ferðar stuðningsliðs sem farin verður 20.-21. mars nk.
Bæjarráð samþykkir erindið og bókist styrkurinn á bókhaldslykilinn 04089-9990. Bæjarráð vísar erindinu til fræðslu- og æskulýðsráðs til að móta reglur um skóla- og menningarferðalög nemenda grunnskóla Vesturbyggðar.

Lagðar fram fundargerðir stjórnar Fjórðungssambands Vestfirðinga frá 17. nóvember 2017, 15. desember 2017 og 18. janúar 2018.
Bæjarráð leggur til við bæjarstjórn að gerast stofnaðili að Vestfjarðastofu.

Lagt fram yfirlit kostnaðar við refa- og minkaveiðum á árinu 2017.
Bæjarráð vísar refa og minkaveiðum 2018 til atvinnu- og menningarráðs.

Lagt fram minnisblað dags. 9. mars sl. frá Gerði B. Sveinsdóttur, verkefnastjóra samfélagsuppbyggingar og Davíðs R. Gunnarssonar, starfsmann Vesturbyggðar um lagningu ljósleiðara á Barðaströnd og tillögu um verðskrá fyrir íbúa með fasta búsetu og fyrirtæki með heilsársstarfsemi, 250.000 kr. heimtaugargjald en sumarbústaðir og aðrir, sem ekki fá styrki frá Fjarskiptasjóði, 350.000 kr. heimtaugagjald þó með þeim fyrirvara að heimtaugin sé ekki lengri en fjórir kílómetrar.
Bæjarráð samþykkir tillöguna.

Lagt fram tölvubréf dags. 12. mars sl. frá allherjar- og menntamálanefnd Alþingis með beiðni um umsögn um frumvarp til laga um Þjóðskrá Íslands, 339. mál.
Lagt fram til kynningar.

Lagt fram tölvubréf dags. 12. mars sl. frá allsherjar- og menntamálanefnd Alþingis með beiðni um umsögn um frumvarp til laga um almenn hegningarlög (bann við umskurði drengja), 114. mál.
Lagt fram til kynningar.

Lagt fram tölvubréf dags. 8. mars sl. frá umhverfis- og samgöngunefnd Alþingis með beiðni um umsögn um þingsályktunartillögu um skiptingu útsvarstekna milli sveitarfélaga, 200. mál.
Lagt fram til kynningar.

Lagt fram tölvubréf dags. 6. mars sl. frá allherjar- og menntamálanefnd Alþingis með beiðni um umsögn um frumvarp til laga um aðgengi að stafrænum smiðjum, 236. mál.
Lagt fram til kynningar.

Lagt fram tölvubréf dags. 6. mars sl. frá velferðarnefnd Alþingis með beiðni um umsögn um frumvarp til laga um heilbrigðisþjónustu (réttur til einbýlis og sambúðar við maka á öldrunarstofnunum), 178. mál.
Lagt fram til kynningar.

Lagt fram tölvubréf dags. 15. mars sl. frá umhverfis- og samgöngunefnd Aþingis með beiðni um umsögn um þingsályktunartillögu um hagkvæmisathugun á uppbyggingu Skógarstrandarvegar, 169. mál.
Lagt fram til kynningar.