Bæjarráð #842

Ann Cecil Hilling kom og kynnt verkefni sem hún hefur unnið að síðastliðið ár sem felst í því að koma á laggirnar námi í fiskeldi við Fjölbrautaskóla Snæfellinga.

Lagður fyrir viðauki 9. að fjárhæð 1,680 milljónir við fjárhagsáætlun 2018 vegna kaupa á bifreið fyrir starfsmann vatns-og fráveitu, fjármagnað með lækkun fjárfestinga, lögn í Mikladal Patreksfirði.

Lagt fram bréf dags. 25. júlí sl. frá Páli Haukssyni með beiðni um styrk vegna hátíðarinnar „Blús milli fjalls og fjöru“, haldin 31. ágúst og 1. september nk., sem nemi leigugjaldi minni/stærri salar Félagsheimilisins á Patreksfirði auk hljóðkerfis. Bæjarráð óskar bréfritara til hamingju með metnaðarfullt menningarverkefni og samþykkir erindið. Styrkurinn bókist á bókhaldslykilinn 05089-9990.

Farið yfir hugmyndir að uppbyggingu aðstöðu fyrir vigtarskúr og áhaldahús á Bíldudal.

Drög að frumvarpi um nýja stofnun sem ætlað er að hafa með höndum umsýslu allra þjóðgarða á Íslandi og annarra friðlýstra svæða auk almennrar náttúruverndar lagt fram til kynningar.

Ársreikningur félags skógarbænda á Vestfjörðum lagður fram til kynningar.

Skýrsla frá umhverfisstofnun vegna lokunareftirlits dags. 14. júní sl. í aflagðan urðunarstað Vesturbyggðar í Vatnseyrirhlíðum á Patreksfirði lögð fram til kynningar.

Drög að reglum um úthlutun styrkja og framlaga sem veitt eru á grundvelli stefnumótandi byggðaáætlunar lögð fram til kynningar.