Fundur haldinn í ráðhúsi Vesturbyggðar, 11. febrúar 2020 og hófst hann kl. 16:00
Nefndarmenn
- Magnús Jónsson (MJ)
- Jón Árnason (JÁ)
- Þórkatla Soffía Ólafsdóttir (ÞSÓ) formaður
Starfsmenn
- Gerður Björk Sveinsdóttir (GBS) sviðsstjóri fjármála- og stjórnsýslusviðs
- Rebekka Hilmarsdóttir (RH) bæjarstjóri
Fundargerð ritaði
- Gerður Björk Sveinsdóttir sviðsstjóri fjármála- og stjórnsýslusviðs
Almenn erindi
1. Upplýsingagjöf - verkferlar í eineltismálum
Sviðsstjóri Fjölskyldusviðs Vesturbyggðar mætti inn á fundinn og fór yfir meðferð eineltismála í stofnunum Vesturbyggðar og svaraði spurningum bæjarfulltrúa.
2. Riftun á þinglýstum leigusamningi Hnjótur 2
Lagt fram erindi dags. 17. desember 2019 frá Kristni Þór Egilssyni eiganda Hnjóts I, þar sem óskað er eftir riftun á þinglýstum leigusamningi frá 15.mars 1977. Jafnframt er óskað eftir því að fá að taka yfir þá fasteign sem er á lóðinni. Einnig er lagður fram tölvupóstar dags. 21.janúar 2020, frá Inga Boga Hrafnssyni eiganda Hnjóts 2 þar sem einnig er óskað er eftir riftun á þinglýstum leigusamningi frá 15.mars 1977. Jafnframt er óskað eftir því að fá að taka yfir þá fasteign sem er á lóðinni.
Bæjarráð felur bæjarstjóra að ræða við landeigendur um mögulega nýtingu eignarinnar.
3. Efnahagsþróun á norðurslóðum - starfshópur Utanríkisráðherra
Lagt fram bréf utanríkisráðuneytisins dags. 31. janúar 2020, vegna vinnu starfshóps um efnahagsþróun á norðurslóðum, en hópnum er ætlað að greina þann efnahagsuppgang sem fyrirséð að muni eiga sér stað á norðurslóðum á komandi árum.
Bæjarráð vísar erindinu til Hafna- og atvinnumálaráðs.
4. Húsnæðisáætlanir sveitarafélaga
Lagt fram bréf Húsnæðis- og mannvirkjastofnunar dags. 20. janúar 2020 vegna uppfærslu á Húsnæðisáætlun Vesturbyggðar.
Bæjarráð felur bæjarstjóra að svara bréfinu.
5. Ástand vega í Vesturbyggð
Bæjarráð Vesturbyggðar lýsir yfir miklum áhyggjum af ástandi vega í Vesturbyggð og krefst þess að Vegagerðin grípi til tafarlausra aðgerða til að tryggja öryggi vegfarenda í sveitarfélaginu. Bæjarráð ítrekar að nauðsynlegt sé að bregðast við úttekt Vegagerðarinnar frá 2019 þar sem Bíldudalsvegur sem liggur frá Patreksfirði til Bíldudals er metinn ónýtur með öllu. Mikil umferð er um vegina og fara þungaflutningar vaxandi.
6. Samningur um styrki 2020-2022
Lögð fram drög að styrktarsamningi við björgunarsveitina Blakk. Samningurinn gerir ráð fyrir 1.400.000 kr. framlagi árlega til sveitarinnar næstu þrjú árin. Í samningnum er einnig kveðið á um þau verkefni sem björgunarsveitin mun sinna fyrir Vesturbyggð.
Bæjarráð samþykkir samninginn.
Til kynningar
7. Mál nr. 50 - Lög nr. 35-1970, um Kristnisjóð
Lagður fram til kynningar tölvupóstur allsherjar- og menntamálanefndar Alþingis dags. 30. janúar 2020, þar sem óskað er umsagnar um frumvarp til laga um breytingu á lögum um Kristnisjóð o.fl.
8. Mál 457. Málefni innflytjenda, nr. 116-2012
Lagður fram til kynningar tölvupóstur velferðarnefndar Alþingis dags. 24. janúar 2020, þar sem óskað er umsagnar um frumvarp til laga um breytingu á lögum um málefni innflytjenda.
Fleira ekki gert. Fundi slitið kl. 18:00
Jörundur Garðarsson sat fundinn sem áheyrnafulltrúi.