Fundur haldinn í fjarfundi, 20. maí 2021 og hófst hann kl. 16:00
Nefndarmenn
- Ásgeir Sveinsson (ÁS) aðalmaður
- Iða Marsibil Jónsdóttir (IMJ) aðalmaður
- Þórkatla Soffía Ólafsdóttir (ÞSÓ) formaður
Starfsmenn
- Gerður Björk Sveinsdóttir (GBS) skrifstofustjóri
- Rebekka Hilmarsdóttir (RH) bæjarstjóri
Fundargerð ritaði
- Gerður Björk Sveinsdóttir sviðsstjóri fjármála- og stjórnsýslusviðs
Almenn erindi
1. Ársreikningur Vesturbyggðar 2020
Lagður fram til seinni umræðu ársreikningur Vesturbyggðar og stofnana hans fyrir árið 2020.
Bæjarráð vísar ársreikningi 2020 til seinni umræðu í bæjarstjórn.
2. Fjárhagsáætlun 2021 - viðaukar
Lagður er fyrir viðauki 4 við fjárhagsáætlun ásamt minnisblaði sviðsstjóra umhverfis- og framkvæmdasviðs um kaup á bíl fyrir áhaldahúss á Patreksfirði í stað eldri bifreiðar og minnisblað sviðsstjóra fjármála- og stjórnsýslusviðs vegna breytinga á lántökum ársins 2021. Í minnisblaði sviðsstjóra umhverfis- og framkvæmdasviðs er lagt til að keypt verði ný bifreið fyrir áhaldahúss á Patreksfirði í stað eldri bifreiðar sbr. bókun bæjarráðs á 920. fundi ráðsins. Bifreiðin kostar 5.3 m.kr. og mætt með lækkun á fjárfestingu í vatnsveitu á Patreksfirði uppá 1 m.kr, lækkun á viðhaldsfé vatnsveitu á Patreksfirði um 1.7 m.kr. og lækkun á viðahaldsfé fráveitu á Patreksfirði um 2.7 m.kr.
Í minnisblaði sviðsstjóra fjármála- og stjórnsýslusviðs sem lagt var fyrir á 920. fundi bæjarráðs er lagt til að lántaka til Lánasjóðs sveitarfélaga sé lækkuð í 259 m.kr. og sótt verði um lán til ofanflóðasjóðs vegna útlagðs kostnaðar uppá 107,2 m.kr., handbært fé í A hluta verði lækkað um 49,8 m.kr.
Viðaukinn hefur jafnframt þau áhrif að vaxtakostnaður lækkar um 4.5 m.kr. í A hluta og afskriftir í A hluta lækka um 1.8 m.kr. Afskriftir í A og B hluta lækka afskriftir um 1.8 m.kr.
Viðaukinn hefur þau áhrif að rekstrarniðurstaða A hluta fer úr því að vera neikvæð uppá 147.2 m.kr. í það að vera neikvæð uppá 140,9 m.kr. Handbært fé í A hluta lækkar um 51,8 m.kr. Rekstrarniðurstaða A og B hluta fer úr því að vera neikvæð uppá 34,5 m.kr. í það að vera neikvæð uppá 23,9 m.kr. Handbært fé í A og B hluta lækkar um 47,5 m.kr.
3. Sumarlokun 2021 - Ráðhús Vesturbyggðar
Lagt fram minnisblað bæjarstjóra dags. 19. maí 2021, með tillögu að sumarlokun í ráðhúsi Vesturbyggðar 2021. Í minnisblaðinu er lagt til að afgreiðsla ráðhússins verði lokuð í tvær vikur í sumar, frá og með 26. júlí til og með 6. ágúst 2021. Tilkynnt verði um lokunina á heimasíðu sveitarfélagsins og þar leiðbeint hvernig unnt er að hafa samband við sveitarfélagið á meðan lokun stendur.
Bæjarráð samþykkir lokunina og vísar áfram til staðfestingar bæjarstjórnar.
4. Verbúð, Patrekshöfn - sala á eign.
Lögð fram tvö tilboð í Verbúðina á Patreksfirði ásamt bókun hafna- og atvinnumálaráðs frá 31. fundi ráðsins 18. maí sl. Hafna- og atvinnumálaráð hafnaði báðum tilboðum en leggur til við bæjarráð að tekið verði upp samtal við bjóðendur um samstarf um eignarhald og rekstur í verbúðinni og þeim kynnt gagntilboð.
Bæjarráð felur hafnarstjóra og bæjarstjóra að ræða við tilboðsgjafa.
Til kynningar
5. Þjóðgarður á sunnanverðum Vestfjörðum
Lagt fram til kynningar bréf Orkubús Vestfjarða dags. 11. maí 2021 vegna friðlýsingu þjóðsgarðs á Vestfjörðum ásamt umsögn Orkubús Vestfjarða dags. 31. desember 2020 um áform um friðlýsingu á sunnanverðum Vestfjörðum.
6. Ársyfirlit slökkviliðanna 2020
Lagt fram ársyfirlit slökkviliðanna í Vesturbyggð og Tálknafirði fyrir árið 2020.
Bæjarráð þakkar slökkviðliðsstjóra fyrir greinagott yfirlit og vísar því til kynningar hjá bæjarstjórn.
7. Fundargerð auka aðalfundar 2021
Lögð fram til kynningar fundargerð auka aðalfundar Félags skógarbænda á Vestfjörðum sem haldinn var 13. maí 2021.
8. Kall til sveitarfélaga um að taka Bonn-áskoruninni
Lagt fram til kynningar bréf Landgræðslunnar og Skógræktarinnar um verkefni til útbreiðslu birkiskóga og birkikjarrs.
9. Mál nr. 612 um aðgerðir til að auka framboð og neyslu grænkerafæðis. Ósk um umsögn
Lagður fram til kynningar tölvupóstur frá nefndarsviði Alþingis dags. 18. maí 2021, þar sem óskað er umsagnar um tillögu til þingsályktunar um aðgerðir til að auka framboð og neyslu grænkerafæðis, 612. mál.
10. Mál nr. 597 um fjöleignarhús. Ósk um umsögn
Lagður fram til kynningar tölvupóstur frá nefndarsviði Alþingis dags. 12. maí 2021, þar sem óskað er umsagnar um frumvarp til laga umfjöleignarhús, 597. mál.
11. Mál nr. 762 um barnvænt Ísland - framkvæmd barnasáttmála Sameinuðu þjóðanna. Ósk um umsögn
Lagður fram til kynningar tölvupóstur frá nefndarsviði Alþingis dags. 12. maí 2021, þar sem óskað er umsagnar um tillögu til þingsályktunar um barnvænt Íslands - framkvæmd barnasáttmála Sameinuðu þjóðanna, 762. mál.
Fleira ekki gert. Fundi slitið kl. 16:50