Bæjarráð #937

Marin Rós Eyjólfsdóttir frá Unicef kom inn á fundinn og fór yfir verkefnið Barnvæn sveitarfélög.

Bæjarráð þakkar Marin Rós fyrir góða kynningu.

Lögð fram bókun menningar- og ferðamálaráðs frá 20. fundi ráðsins 15. febrúar 2022, þar sem ráðið beinir því til bæjarráðs að skoða hvort unnt sé að gera aðgengilegra í kringum minnisvarðar Guðrúnar Valdadóttur, setja upp áningarsvæði og bæta við upplýsingaskiltum.

Bæjarráð tekur vel í tillöguna og felur menningar- og ferðamálafulltrúa Vesturbyggðar og sviðsstjóra umhverfis- og framkvæmdasviðs að vinna málið áfram og skoða hvaða möguleikar séu til að bæta aðgengið.

Lagt fram erindi frá Tyler Wacker, dags. 3. febrúar 2022, þar sem óskað er eftir stuðningi vegna útgáfu á korti fyrir Cycling Westfjords sem fram fer á Vestfjörðum í sumar. Menningar- og ferðamálaráð tók erindið fyrir á 20. fundi sínum 15. febrúar 2022 og mælti með að styrkur yrði veittur.

Bæjarráð samþykkir að veita 50.000 kr. styrk til útgáfu kortsins.

Bæjarstjóri fór yfir stöðu vinnu við endurskoðun á samþykkt um stjórn Vesturbyggðar. Meðal þess sem vinnuhópurinn hefur skoðað eru breytingar á stjórnskipan Vesturbyggðar til að auka skilvirkni í nefndarstörfum sveitarfélagsins. Verið er að skoða möguleika þess að koma á heimastjórnum og endurskoða fastanefndir sveitarfélagsins. Áætlað er að tillaga að breyttu stjórnskipulagi og drögum að samþykkt um stjórn Vesturbyggðar verði kynnt á næstunni.

Rætt um þau verkefni sem sótt verður um fyrir í fiskeldissjóð. Bæjarstjóra falið að vinna að málinu áfram.

Lögð fram beiðni umhverfis- og samgöngunefndar Alþingis dags. 24. febrúar 2022 um umsögn um tillögu til þingsályktunar um kaup á nýrri Breiðafjarðarferju, 46. mál.

Bæjarráð felur bæjarstjóra að vinna umsögn um málið.

Lagt fram til kynningar bréf Innviðaráðuneytis dags. 22. febrúar 2022 vegna kvörtunar um stjórnsýslu Vesturbyggðar.

Lagt fram til kynningar bréf frá Eftirlitsnefnd með fjármálum sveitarfélaga dags. 21. febrúar 2022 þar sem vakin er athygli á áherslum nefndarinnar fyrir árið 2022.

Lögð fram til kynningar beiðni atvinnuveganefndar Alþingis dags. 24. febrúar 2022 um umsögn um frumvarp til laga um um breytingu á lögum um stjórn fiskveiða (veiðistjórn sandkola og hryggleysingja), 349. mál.

Lögð fram til kynningar beiðni atvinnuveganefndar Alþingis dags. 9. febrúar 2022 um umsögn um tillögu til þingsályktunar um endurskoðun a laga- og reglugerðarumhverfi sjókvíaeldis, 93. mál. Einnig lögð fram til kynningar umsögn Vesturbyggðar dags. 22. febrúar 2022 um tillöguna.

Lögð fram til kynningar beiðni umhverfis- og samgöngunefndar Alþingis dags. 10. febrúar 2022 um umsögn um tillögu til þingsályktunar um hagkvæmnisathugun á uppbyggingu Skógarstrandarvegar, 33. mál.

Lögð fram til kynningar beiðni umhverfis- og samgöngunefndar Alþingis dags. 11. febrúar 2022 um tillögu til þingsályktunar um áætlun um vernd og orkunýtingu landsvæða, 332. mál.

Lögð fram til kynningar beiðni umhverfis- og samgöngunefndar Alþingis dags. 14. febrúar 2022 um frumvarp til laga um breytingu á lögum um fjarskipti, nr. 81/2003, með síðari breytingum (farsímasamband á þjóðvegum), 43. mál.

Lögð fram til kynningar fundargerð 199. fundar Breiðafjarðanefndar 18. janúar 2022.

Lögð fram til kynningar fundargerð 137. fundar Heilbrigðisnefndar Vestfjarða frá 17. febrúar 2022, ásamt ársreikningi 2021 og skiptingu kostnaðar.

Lögð fram til kynningar fundargerð 906. fundar stjórnar Sambands íslenskra sveitarfélaga 4. febrúar 2022.

Lögð fram til kynningar greining KPMG á gjaldtöku á sjávarútveg og fiskeldi sem Samtök sjávarútvegssveitarfélaga kynntu á Sjávarútvegsdeginum 2022.