Bæjarráð #983

Lagður er fram tölvupóstur nefnda- og greiningarsviðs Alþingis, dags. 24. apríl 2024, þar sem veittur er frumvarp um lagareldi er lagt fram til umsagnar á umsagnargátt Alþingis. Frestur til að veita umsögn er til og með 8. maí n.k. Jafnframt eru lögð fyrir fundinn drög að umsögn.

Bæjarráð felur bæjarstjóra að vinna og senda inn umsögn Vesturbyggðar í samráðsgátt stjórnvalda í samvinnu við sveitarstjóra Tálknafjarðarhrepps.

Lagður er fram tölvupóstur frá fjármálaráðuneytinu, dags. 24. apríl 2024, ásamt drögum að samkomulagi vegna Bíldudalsskóla er varðar nýtingu á Dalbraut 2 á Bíldudal.

Bæjarráð staðfestir samkomulagið og felur bæjarstjóra að rita undir það fyrir hönd sveitarfélagsins. Bæjarráð leggur áherslu á að fundin verði farsæl lausn um framtíð hússins í samráði heimastjórn Arnarfjarðar.

Innleiðing heimastjórna rædd. Bæjarráð leggur áherslu á að innleiðingin gangi vel og haldið sé vel utan um verkefni heimastjórna ásamt því að samfella sé á verklagi hverrar heimastjórnar.
Samþykkt er að ráða inn ritara heimastjórna tímabundið í 50% starf til áramóta til að fylgja innleiðingunni eftir. Gert var ráð fyrir fjármagni til verkefnisins við gerðar fjárhagsáætlunar fyrir árið 2024.

Lögð er fram fundargerð 60. stjórnarfundar Vestfjarðastofu og Fjórðungssambands Vestfirðinga til kynningar.

Lagður fram til kynningar tölvupóstur frá heilbrigðisráðuneytinu dags. 30. apríl sl með ósk um umsögn um drög að reglugerð um vottorð, álitsgerðir, faglegar yfirlýsingar og skýrslur heilbrigðisstarfsmanna.

Lagður fram til kynningar tölvupóstur frá menningar- og viðskiptaráðuneytinu dags. 30.apríl sl. með ósk um umsögn um drög að tillögu til þingsályktunar um stefnu í neytendamálum til 2030.

Lagður fram til kynningar tölvupóstur frá Halldóri Árnasyni dags. 18. apríl sl. með ábendingu varðandi landarmörk Vesturbotns.

Bæjarráð þakkar bréfritara erindið.
Sveitarfélagið hefur þegar hafið vinnu við lausn málsins.

Lagður fram til kynningar tölvupóstur frá umhverfis- og samgöngunefnd Alþingis dags. 19. apríl sl. með ósk um umsögn um frumvarp til laga um verndar- og orkunýtingaráætlun (virkjunarkostir í vindorku).

Lögð fram til kynningar 147. fundargerð Heilbrigðisnefndar Vestfjarðasvæðis sem haldinn var 18. apríl sl. ásamt ársskýrslu heilbrigðiseftirlits Vestfjarða 2023.

Lagður fram til kynningar tölvupóstur frá Vegagerðinni dags. 29. apríl sl. með samþykktri tengivegaáætlun fyrir árin 2024-2028.

Lögð fram til kynningar 947. fundargerð stjórnar Sambands Íslenskra sveitarfélaga.

Lagður fyrir til kynningar ársreikningur Landskerfa bóksafna hf. fyrir árið 2023 ásamt samþykktum félagsins.

Lagt er fram til kynningar boð Fjórðungssambands Vestfirðinga, sem barst 2. maí 2024, á 69. Fjórðungsþings Vestfirðinga að sumri, sem haldið verður 19. júní 2024, í fjarfundi.