Bæjarráð #22

Lagt fram bréf frá Fjölbrautaskóla Snæfellinga dags. 31 mars sl. með uppsögn á leigusamningi vegna hluta húsnæðis í Patreksskóla þar sem framhaldsdeildin hefur haft aðsetur. Skólinn er tilbúin til viðræðna um endurnýjun samningsins á grundvelli breyttra forsenda fyrir notkun á húsnæðinu, þ.e breytingu á fjölda nemenda sem stunda nám við deildina og breyttum kennsluháttum við skólann.

Bæjarráð felur bæjarstjóra að vinna að nýjum samningi og tryggja áframhaldandi starfsemi.

Lagt fram bréf Eignarhaldsfélags Brunabótafélags Íslands, dags. 2. apríl 2025, þar sem vakin er athygli á styrktarsjóði EBÍ 2025. Tilgangur sjóðsins er að styrkja með fjárframlögum sérstakar athuganir eða rannsóknir á ýmsum þróunarþáttum í atvinnulífi, samgöngum, fræðslu- og menningarmálaum í aðildarsveitarfélögum.

Bæjarráð felur menningar- og ferðamálafulltrúa að sækja um styrk fyrir hönd Vesturbyggðar.

Umsagnarbeiðni um áform Arnarlax vegna aukningar á umfangi sjókvíaeldis fyrirtækisins í Arnarfirði úr 11.500 tonna hámarkslífmassa í 16.000 tonn ásamt stækkun eldissvæða úr 5,9 km2 í 29 km2.

Erindið var tekið fyrir á 8. fundi Umhverfis- og loftlagsráðs þann 24 mars sl.

Hjörtur Methúsalemsson yfirmaður viðskipta- og þróunardeildar Arnarlax, Freyja Ragnarsdóttir Pedersen formaður umhverfis- og loftlagsráðs og Elfar Steinn Karlsson hafnarstjóri sátu fundinn undir liðnum.

Bæjarráð þakkar Hirti fyrir góða kynningu.

Bæjarráð Vesturbyggðar fagnar áformum um aukin umsvif sjókvíaeldis í sveitarfélaginu enda er breytingin innan marka burðarþolsmats Arnarfjarðar og áhættumat erfðablöndunar. Að mati bæjarráðs mun breytingin hafa í för með sér jákvæð áhrif á samfélag og atvinnulíf á svæðinu.
Bæjarráð tekur undir bókun umhverfis og loftlagsráðs en leggur ekki mat á það hvort breytingin kalli á nýtt umhverfismat.

Lögð fram til kynningar umsögn Vesturbyggðar við drög að frumvarpi um breytingar á lögum um veiðigjald. Umsögnin hafði áður verið samþykkt af bæjarfulltrúum

Lagt fram til kynningar aðalfundarboð frá Landskerfi bókasafna hf. 2025

Lagður fram til kynningar ársreikningur Náttúrustofu Vestfjarða 2024.

Til kynningar nýjar samþykktir EBÍ-breytingar á kjöri í fulltrúaráð EBÍ

Til kynningar fundargerð 972. fundar stjórnar Sambandsins frá 11.mars 2025

Lögð fram til kynningar fundargerð 153. stjórnarfundar Náttúrustofu Vestfjarða

Lagðar fram til kynningar fundargerðir 470. og 471. fundar stjórnar Hafnasambands Íslands frá 19.febrúar og 28.mars 2025