Bæjarráð #23

Geir Gestsson sviðstjóri umhverfis- og framkvæmdasviðs og Elfar Steinn Karlsson Hafnarstjóri fóru yfir stöðu framkvæmda og fyrirhugaðar framkvæmdir sumarsins.

Bæjarráð þakkar sviðstjóra umhverfis- og framkvæmdarsviðs og hafnarstjóra fyrir yfirferðina.

Lagður fram tölvupóstur frá Arnarlax dags. 9. apríl sl. með ósk um að fá að staðsetja búningaaðstöðu á á Bíldudalshöfn.

Bæjarráð samþykkir að veita stöðuleyfi fyrir búningaaðstöðu til 12 mánaða og felur hafnarstjóra að vinna málið áfram.

Á 9. fundi heimastjórnar Patreksfjarðar sem haldinn var þann 1. apríl sl. var tekið fyrir erindi frá árgangi 1971 á Patreksfirði varðandi leik- og útivistarsvæði.
Eftirfarandi var bókað:
"Heimastjórn Patreksfjarðar þakkar árgangi 1971 fyrir erindið og sýndan áhuga á að bæta samfélagið. Skilgreind útivistarsvæði á aðalskipulagi á Patreksfirði eru meðal annars á Bölum og við Friðþjófstorg þar sem unnið hefur verið að uppbyggingu leiksvæða. Heimastjórn Patreksfjarðar vísar því til bæjarstjórnar að skipulögð verði stærri útivistarsvæði til dæmis fyrir Frisbí golf í Mikladal og/eða uppsetningu á hoppubelg á Vatneyri."

Bæjarráð tekur jákvætt í erindið og felur tómstundarfulltrúa að vinna málið áfram.

Lögð fram til kynningar fréttatilkynning frá Samtökum fyrirtækja í sjávarútvegi þar sem er skorað á stjórnvöld að íhuga að stíga skref til baka.

Lögð fram til kynningar þinggerð 70. Fjórðungsþings Vestfirðinga að vori, sem haldið var þann 2. apríl sl. og ársreikningur Fjórðungssambandsins fyrir árið 2024

Lagður fram til kynningar tölvupóstur frá umhverfis- og samgöngunefnd Alþingis dags. 14. apríl sl. með ósk um umsögn um sveitarstjórnarlög (mat á fjárhagslegum áhrifum).

Lagðar fram til kynningar fundargerðir 973, 974, 975 og 976. funda stjórnar Sambandsins frá 14., 19. og 20. mars og 4. apríl 2025.

Lögð fram til kynningar fundargerð 152. fundar Heilbrigðisnefndar Vestfjarðasvæðis frá 10 apríl sl. ásamt ársskýrslu 2024.