Bæjarráð #28

Tekin fyrir umsókn Veðurstofunnar, dagsett 18.6.2025. Í umsókninni er sótt um framkvæmdaleyfi fyrir vegslóða og uppbyggingu á turni undir veðurratsjá á Brunnahæð. Fyrir liggja jákvæðar umsagnir frá minjaverði og landeiganda.

Elfar Steinn Karlsson byggingarfulltrúi sat fundinn undir liðnum.

Skipulags- og framkvæmdaráð lagði til á 12. fundi sínum við heimastjórn fyrrum Barðastrandarhrepps og Rauðasandshrepps að skipulagsfulltrúa verði heimilt að veita framkvæmdaleyfi sbr. 13. gr. skipulagslaga nr. 123/2010.

Bæjarráð í umboði heimastjórnar fyrrum Barðastrandarhrepps og Rauðasandshrepps samþykkir að skipulagsfulltrúa verði heimilt að gefa út framkvæmdaleyfi sbr. 13. gr. skipulagslaga nr. 123/2010.

Lagður fyrir viðauki 4 við fjárhagsáætlun Vesturbyggðar 2025.

Viðauki 4 er lagður fram vegna innréttinga og tækja, og hitakerfið í Bíldudalsskóla kr. 87,3 millj. Lekamála við Tálknafjarðarskóla kr. 13 millj. og færslu á gámaplani Patrekshafnar kr. 6 millj. samtals kr 102,8 millj. á móti koma breytingar á fjárfestingum ársins 2025 þar sem fjárfestingar í eignasjóði eru lækkaðar um kr. 119,7 millj. og í fráveitu um kr. 14,8 millj. Lækkunin er tilkomin annars vegar vegna verkefna sem voru fullfjármögnuð í fjárhagsáætlun og styrkir fengust fyrir úr Fiskeldissjóði og samkomulags við ríkið varðandi hjúkrunarheimili og hins vegar vegna ofáætlunar við skólalóð í Tálknafirði.

Viðaukinn hefur ekki áhrif á rekstrarniðurstöðu í A, né A og B hluta en handbært fé í A hluta hækkar um kr.19,4 millj. og verður kr 33,2 millj. og hækkar í A og B hluta um 28,2 milllj. og verður 105,7 millj.

Elfar Steinn Karlsson hafnarstjóri og Geir Gestsson sviðsstjóri umhverfis- og framkvæmdasviðs sátu fundinn undir liðnum.

Bæjarráð samþykkir viðaukann.

Tekin fyrir umsókn Náttúruverndarstofnunar, dagsett 30.5.2025. Í umsókninni er sótt um framkvæmdaleyfi fyrir nýtt bílastæði innan friðlandsins við Látrabjarg við Örlygshafnarveg þar sem gert er ráð fyrir 31 bílastæði fyrir fólksbíla, 4 rútustæðum og 2 stæðum fyrir smárútur/ferðabíla. Framkvæmdin er í samræmi við gildandi deiliskipulag og mun leysa af núverandi bílastæði á malarplani nær bjargi.

Elfar Steinn Karlsson byggingarfulltrúi sat fundinn undir liðnum.

Skipulags- og framkvæmdaráð lagði til á 12. fundi sínum við heimastjórn fyrrum Barðastrandarhrepps og Rauðasandshrepps að skipulagsfulltrúa verði heimilt að veita framkvæmdaleyfi sbr. 13. gr. skipulagslaga nr. 123/2010.

Bæjarráð í umboði heimastjórnar fyrrum Barðastrandarhrepps og Rauðasandshrepps samþykkir að skipulagsfulltrúa verði heimilt að gefa út framkvæmdaleyfi sbr. 13. gr. skipulagslaga nr. 123/2010.

Skipan nýs varamanns samkvæmt niðurstöðum kosninga vorið 2024 í heimastjórn Patreksfjarðar í stað Sigurjóns Páls Haukssonar.

Bæjarráð skipar Petrínu Sigrúnu Helgadóttur sem varamann í heimastjórn Patreksfjarðar í samræmi við niðurstöður kosninga.

Rætt um hvort setja eigi Lönguhlíð 20 á Bíldudal á sölu í ljósi fyrirspurna um eignina.

Geir Gestsson sviðstjóri umhverfis- og framkvæmdasviðs sat fundinn undir liðnum.

Bæjarráð hafnar því að Langahlíð 20 verði sett á sölu að svo stöddu.

Rætt um hvort tilefni sé til þess að sveitarfélagið eigi frumkvæði að því að leitað verði eftir tilboðun í frumathugun/valkostagreiningu á gangnakostum um Mikladal og Hálfdán.

Samþykkt að Vesturbyggð kanni hvort forsendur séu til þess að sveitarfélagið láti vinna að eigin frumkvæði vinnu við grunnathuganir á jarðgangnakostnum um Mikladal og Hálfdán. Byggingafulltrúa falið að vinna málið áfram og leita tilboða.

Lagðar fram til kynningar fundargerðir stjórnar Samtaka sjávarútvegssveitarfélaga nr 85-90.

Lögð fram til kynningar ályktun frá aðalfundi Félags skógarbænda á Vestfjörðum þann 14.06.2025.

Lögð fram til kynningar fundargerð 16. verkfundar vegna Bíldudalsskóla.

Lagðar fram til kynningar fundargerðir Stjórn Samtaka sveitarfélaga á köldum svæðum 78-81.