Bæjarráð #35

Farið yfir markaðsetningu hafna fyrir skemmtiferðaskip.

Elfar Steinn Karlsson hafnarstjóri og Valgerður María Þorsteinsdóttir menningar- og ferðamálafulltrúi sátu fundinn undir liðnum.

Farið yfir þá möguleika sem í stöðunni eru varðandi markaðsetningu hafna Vesturbyggðar fyrir skemmtiferðaskip.

Hafnarstjóra falið að vinna málið áfram.

Lagðar fram tvær umsóknir sem bárust vegna auglýsingar Hafnasjóðs Vesturbyggðar um atvinnurými í Verbúðinni.

Þórkatla Soffía Ólafsdóttir vék af fundi.

Elfar Steinn Karlsson hafnarstjóri sat fundinn undir liðnum og Gunnþórunn Bender kom inn á fundinn sem varamaður.

Bæjarráð samþykkir að ganga til samninga við óstofnað félag sem Ísak Óli Óskarsson er í forsvari fyrir. Hafnarstjóra falið að vinna málið áfram.

Þórkatla Soffía Ólafsdóttir kom aftur inná fundinn.

Lögð fram tillaga um svæðisbundið farsældarráð Vestfjarða

Bæjarráð samþykkir samninginn og vísar honum áfram til staðfestingar bæjarstjórnar.

Stefnumótun íþrótta og tómstunda í Vesturbyggð

Rætt um stöðu íþrótta og tómstunda í Vesturbyggð.

Undirbúningur fyrir sólmyrkva 2026

Valgerður María Þorsteinsdóttir menningar- og ferðamálafulltrúi sat fundinn undir liðnum.

Boðað hefur verið til fundar hjá Almannavarnanefnd þar sem farið verður yfir Sólmyrkva 2026, en þar eru samankomnir viðbragðaðilar af svæðinu.

Markaðsstofa hefur einnig stofnað starfshóp með fulltrúum sveitarfélaga á Vestfjörðum þar sem sólmyrkvin mun sjást og hefur Valgerður María Þorsteinsdóttir verið skipuð fulltrúi Vestrubyggðar þar inn.

Rætt um þjóðgarð á sunnanverðum Vestfjörðum.

Vesturbyggð óskar eftir samtali við ráðherra um þjóðgarð á sunnanverðum Vestfjörðum.

Bæjarstjóra falið að vinna málið áfram.

Lögð fyrir til kynningar umsögn Vesturbyggðar um frumvarp til laga um breytingar á sveitarstjórnarlögum nr. 138/2011.

Lagður fram tölvupóstur til að minnast 50 ára afmælis kvennafrídagsins

Lagt fram til kynningar tölvupóstur vegna Byggðaráðstefnu 4. nóvember í Skjólbrekku Mývatnssveit.

Lagðar fram til kynningar fundargerðir 69.70.71.72. og frá stjórnarfundi 19.08.2025 frá Vestfjarðarstofu

Lagt fram til kynningar fundargerð 153 frá 25.sept sl.