Bæjarráð #36

Auglýst hefur verið eftir umsóknum í Framkvæmdasjóð ferðamannastaða. Óskað er eftir afstöðu bæjarráðs til þess hvaða verkefni sveitarfélagið á að sækja um fyrir.

Valgerður María Þorsteinsdóttir menningar- og ferðamálafulltrúi sat fundinn undir liðnum.

Bæjarráð þakkar menningar- og ferðamálafulltrúa fyrir yfirferðina og felur henni að vinna málið áfram og senda inn umsóknir fyrir hönd Vesturbyggðar.

Í endurreiknaðri áætlun framlaga Jöfnunarsjóðs fyrir árið 2025 sem gefin var út í lok september kemur fram að framlög til Vesturbyggðar skerðast um rúmlega 93 milljónir eða 13%. Munar þar mest um útgjaldajöfnunarframlag sem skerðist um 17,8% og grunnskólaframlag sem skerðist um 15,5%.

Vesturbyggð leggur áherslu á mikilvægi þess að fyrirsjáanleiki sé í áætlunum Jöfnunarsjóðs og að endurútreikningur komi fyrr á árinu svo hægt sé að bregðast við með viðunandi hætti.

Fyrirspurn barst frá Arnarlax um að fá Tjarnarbraut 8 á Bíldudal til leigu.

Bæjarráð tekur vel í erindið og felur sviðstjóra umhverfis og tæknisviðs að vinna málið áfram.

Lagður fram viðauki 5 við fjárhagsáætlun 2025. Viðauki 5 er lagður fram vegna nýs timburkants á Bíldudal kr 27,5 millj. Á móti koma breytingar á fjárfestingum ársins 2025 þar sem fjárfestingar í hafnarsjóði eru lækkaðar um 22 millj. Lækkunin er tilkomið annars vegna stórskipakants á Patreksfirði sem gert var ráð fyrir í fjárhagsáætlun en fór ekki inná samgönguáætlun kr 17 millj. og þvottaplans á Tálknafirði sem ekki verður klárað á árinu kr. 5 millj.

Viðaukinn hefur ekki áhrif á rekstrarniðurstöðu í A hluta, né A og B hluta en handbært fé í B hluta lækkar um 5,5 millj. og verður 100,2 millj.

Bæjarráð samþykkir viðaukann og vísar honum áfram til bæjarstjórnar til staðfestingar.

Lagður fram tölvupóstur frá Atvinnuveganefnd Alþingis dags. 13. október sl. með ósk um umsögn um frumvarp til laga um veiðar í fiskveiðilandhelgi Íslands og stjórn fiskveiða (veiðistjórn grásleppu).

Bæjarráð felur bæjarstjóra að ganga frá umsögn.

Lagður fram tölvupóstur frá umhverfis- og samgöngunefnd Alþingis dags. 15. október sl. með ósk um umsókn um frumvarp til laga um vegalög (þjóðferjuleiðir). Frestur til að senda inn umsögn er til og með 29. október nk.

Bæjarráð felur bæjarstjórna að vinna umsögn.

Lögð fram til kynningar öryggisúttekt Slysavarnardeildarinnar Unnar á Patrekshöfn. Í úttektinni fór deildin yfir öryggisbúnað og aðstöðu á hafnarsvæðinu. Samkvæmt skoðuninni eru öryggismál hafnarinnar til fyrirmyndar og hafnarsvæðið hreint og snyrtilegt.

Skoðunin fór fram 30.júní og 10. september 2025

Bæjarráð þakkar Slysavarnardeildinni Unni kærlega fyrir úttektina.

Lögð fram til kynningar fundargerð 986. fundar stjórnar Sambandsins frá 10.október 2025.

Lagt fram til kynningar frumvarp til laga um sveitarstjórnarlög (fjöldi fulltrúa í sveitarstjórn), 81. mál. Frestur til að senda inn umsögn er til og með 29. október nk.