Bæjarráð #38

Fulltrúar Ofanflóðasjóðs, Framkvæmdasýslu ríkisins, Verkís og Landmótunar mættu á fund bæjarráðs og kynntu fyrirhugaðar ofanflóðaframkvæmdir við Sigtún og Stekkagil á Patreksfirði.
Á fundinum var farið yfir helstu atriði verkefnisins, þar á meðal hönnun og umfang varnargarða og tímasetningar framkvæmda.

Bæjarráð þakkar fyrir kynninguna.

Bæjarráð leggur til við bæjarstjórn að útsvarshlutfall fyrir árið 2026 haldist óbreytt frá fyrra ári 14,97%

Lagður fram viðauki 6 við fjárhagsáætlun 2025. Viðauki 6 er lagður fram vegna kaupa á húsgögnum og lausum búnaði fyrir Bíldudalsskóla 16,5 milljónir.

Viðaukinn hefur ekki áhrif á rekstrarniðurstöðu í A hluta, né A og B hluta. Handbært fé lækkar um 16,5 milljónir og verður í A hluta 16,7 milljónir og í A og B hluta 83,7 milljónir.

Bæjarráð samþykkir viðaukann og vísar honum áfram til samþykktar bæjarstjórnar.

Lilja Magnúsdóttir fulltrúi Vesturbyggðar í svæðisskipulagsnefnd kynnir breytingar á vinnslutillögu svæðisskipulags Vestfjarða.

Bæjarráð þakkar Lilju fyrir kynninguna.

Lögð fram til kynningar fundargerð 987. fundar stjórnar Sambandsins frá 21.október 2025.

Lagt fram til kynningar skipunarbréf í Breiðafjarðarnefnd 2025-2029.

Lagt fram til kynningar bréf til aðildarsveitarfélaga EBÍ er varðar ákvörðun stjórnar EBÍ um ágóðahlutagreiðslu ásamt yfirliti yfir greiðslur til hvers og eins sveitarfélags.

Lagður fram til kynningar tölvupóstur atvinnuveganefnd Alþingis dags. 30. október sl. með ósk um umsögn um frumvarp til laga um flýtiframkvæmd vatnsaflsvirkjana.

Lagður fram til kynningar tölvupóstur frá Breiðafjarðarnefnd dags. 31. október sl. þar sem vakin er athygli á rannsókn um framandi tegundir og dultegundir á Breiðafirði.

Umsóknir Vesturbyggðar í Framkvæmdasjóð ferðamannastaða árið 2025 lagðar fram til kynningar. Sótt var um fyrir uppbyggingu áningarstaðar og salernisaðstöðu í Flókatóftum annars vegar og hins vegar fyrir deiliskipulagsgerð og hönnun útsýnispalls á Strengfelli á Bíldudal.

Lagður fram til kynningar tölvupóstur frá Sambandi íslenskra sveitarfélaga dags 5. nóvember sl. með upplýsingum um fund með efnahags- og viðskiptanefnd og minnisblaði um tollfrelsi.

Lagðar fram til kynningar fundargerðir 21 og 22 frá Svæðisskipulagsnefnd Vestfjarða.