Bæjarráð #65

Formaður heimastjórnar Arnarfjarðar, Freyja Ragnarsdóttir Pedersen, kom inn á fundinn og kynnti áherslur í fjárhagsáætlunargerð.

Bæjarráð þakkar formanni fyrir yfirferðina.

Formaður heimastjórnar fyrrum Barðastrandarhrepps og Rauðasandshrepps, Elín Eyjólfsdóttir, kom inn á fundinn og kynnti áherslur í fjárhagsáætlunargerð.

Bæjarráð þakkar formanni fyrir yfirferðina.

Lagt fram erindi frá VR, LÍV og Fagfélögnum til sveitarstjórnar.

Bæjarráð þakkar VR, LÍV og Fagfélögunum fyrir erindið. Bæjarráð vísar til ályktana og áherslna Landsþings sveitarfélaga um ábyrgan rekstur sveitarfélaga, hófsemi við álagningu gjalda og mikilvægi þess að sveitarfélög stuðli að efnahagslegum stöðugleika. Bæjarráð felur bæjarstjóra að svara erindinu fyrir hönd sveitarfélagsins.

SGS skorar á sveitarfélög landsins að taka þátt í sameiginlegu átaki til að ná niður verðbólgu og vöxtum og stuðla þannig að því að kjarasamningar haldi.

Bæjarráð þakkar Starfsgreinasambandinu fyrir erindið. Bæjarráð vísar til ályktana og áherslna Landsþings sveitarfélaga um ábyrgan rekstur sveitarfélaga, hófsemi við álagningu gjalda og mikilvægi þess að sveitarfélög stuðli að efnahagslegum stöðugleika. Bæjarráð felur bæjarstjóra að svara erindinu fyrir hönd sveitarfélagsins.

Lagður fram til kynningar tölvupóstur frá Umhverfis- og samgöngunefnd Alþingis sem sendir til umsagnar 5. mál, Sveitarstjórnarlög.

Lagður fram til kynningar tölvupóstur frá Umhverfis- og samgöngunefnd Alþingis sem sendir til umsagnar frumvarp til laga um varnir gegn snjóflóðum og skriðuföllum o.fl. (markmið, nýting eigna, framkvæmdaumsjón), 4. mál.

Lagt fram til kynningar bréf dags. 15. september sl. frá innviðaráðuneytinu þar sem vakin er athygli á degi um fórnarlömb umferðaslysa.

Lagt fyrir til kynningar boð á aðalfund Samtaka sveitarfélaga á köldum svæðum ásamt ársreikningi og tillögu að ársgjaldi í samtökin.