Bæjarráð #66

Lagður fyrir dómur Landsréttar í máli landeigenda að Krossi gegn Vesturbyggð. Björn Jóhannesson lögmaður fer yfir.

Björn Jóhannesson, lögmaður, reifaði dóm Landsréttar og þýðingu hans.

Fulltrúar Golfklúbbs Patreksfjarðar koma inn á fund bæjarráðs til að ræða virkjun í landi Vestur-Botns.

Fulltrúar Golfklúbbsins fóru yfir áform um byggingu 12kW virkjunar í Botnsá til að rafvæða aðstöðu klúbbsins. Fjallað var um fjármögnun verkefnisins og óskað eftir aðkomu sveitarfélagsins að því. Rafvæðing svæðisins hefur einnig þýðingu fyrir öryggissjónarmið en hægt væri að skoða nýtingu á rafmagninu til að auka símasamband á svæðinu.
Bæjarráð þakkar fyrir kynninguna og fagnar frumkvæðinu. Tekið er jákvætt í að skoða þátttöku sveitarfélagins í fjármögnun verkefnisins og verður málið tekið fyrir í fjárhagsáætlunarferli.

Fulltrúar HHF koma inná fundinn í samræmi við samstarfssamning HHF og Vesturbyggðar.

Birna Hannesdóttir kom inn á fundinn fyrir hönd Héraðssambandsins Hrafna-Flóka (HHF) og fjallaði um áherslur í starfi félagsins, helstu verkefni og áskoranir. Fjallað var um eftirspurn eftir íþrótta- og hreyfistarfi og framtíðarþörf varðandi húsnæði. Bæjarráð þakkar yfirferðina.

Tekin fyrir skipan bæjarfulltrúa úr Vesturbyggð í farsældarráð Vestfjarða.

Bæjarráð tilnefnir Gunnþórunni Bender sem fulltrúa Vesturbyggðar í farsældarráð Vestfjarða.

Rætt um gjaldtöku af eldisfiski.

Hafnarstjóri kom inn á fundinn undir liðnum.
Fyrir liggur að áframhaldandi tafir verða á að endurskoðun hafnarlaga ljúki. Fiskeldisfyrirtæki sem starfa í Vesturbyggð hafa óskað eftir að gerður verði samningur við hafnarsjóð um eldisgjöld. Bæjarráð felur bæjarstjóra að kynna drög að samningi um gjaldtöku af eldisfiski til fyrirtækja í atvinnugreininni á svæðinu.

Lagt fram minnisblað tómstundafulltrúa um tillögu að akstursstyrk fyrir börn og ungmenni í Vesturbyggð til að auðvelda þeim að sækja skipulagt félags- og tómstundastarf óháð búsetu. Fjölskylduráð fjallaði um málið á fundi sínum 7. október 2026 og hvatti bæjarráð til að skoða möguleika á upptöku akstursstyrksins.

Bæjarráð vísar málinu í fjárhagsáætlunarferli og felur bæjarstjóra að skoða mögulegar útfærslur og meta kostnað vegna akstursstyrks.

Opið er fyrir umsóknir í Framkvæmdasjóð ferðamannastaða. Umsóknarfrestur er til 27. október 2026.

Valgerður María Þorsteinsdóttir, menningar- og ferðamálafulltrúi Vesturbyggðar, kom inn á fundinn undir liðnum og fjallaði um umsóknir í sjóðinn.

Fjallað um tillögu fjölskylduráðs um breytingu á opnunartímum á leikskólum sveitarfélagsins.

Bæjarráð samþykkir að fresta gildistöku fyrirhugaðra breytinga á opnunartíma leikskóla sveitarfélagsins. Jafnframt óskar bæjarráð eftir gögnum sem liggja að baki tillögunni.

Lögð fram til kynningar fundargerð 1003. fundar stjórnar Sambandsins frá 23. september 2026.

Lögð fram til kynningar fundargerð 1002. fundar stjórnar Sambandsins frá 11. september 2026.

Lagt fyrir til kynningar boð á 71. fjórðungsþing Vestfirðinga að hausti.

Lögð fram til kynningar fundargerð 160. fundar stjórnar Náttúrustofu Vestfjarða frá 28. september 2026.

Lagður fram til kynningar tölvupóstur með stöðumati á verkefninu Gott að eldast.

Lagðar fram til kynningar fundargerðir 80 og 71 2026 frá stjórnarfundum Vestfjarðarstofu.

Lagður fram til kynningar tölvupóstur frá Umhverfis- og samgöngunefnd Alþingis sem sendir til umsagnar 156. mál, frumvarp til laga um breytingu á lögum um Byggðastofnun, nr. 106/1999 (lagfæringar).

Lagt fram til kynningar fundargerð samráðsfundar aðildarsveitarfélaga Náttúrustofu Vestfjarða 2026 ásamt þeim kynningum sem Smári Haraldsson, fráfarandi formaður, flutti.