Fjölskylduráð #9

Bréf frá formanni umhverfis- og loftslagsráðs varðandi áherslur fræðslumála í umhverfis- og loftslagsmálum vegna vinnu við umhverfisstefnu Vesturbyggðar.

Fjölskylduráð felur sviðsstjóra að taka saman viðeigandi gögn og koma þeim til umhverfis- og loftslagsráðs.

Umræða um stefnu íþróttum og tómstundum. Tómstundafulltrúi, Hafdís Helga Bjarnadóttir tekur sæti undir þessum lið.

Fyrir liggur að farið verði í stefnumótun í íþróttamálum. Tómstundafulltrúi leggur til að tómstundir verði hluti af heildstæðri stefnumótun í íþrótta- og tómstundamálum.

Fjölskylduráð samþykkir tillöguna.

Umræða um ungmennaráð. Tómstundafulltrúi, Hafdís Helga Bjarnadóttir tekur sæti undir þessum lið.

Tillögur að breytingum á reglugerð um ungmennaráð voru kynntar. Nokkrar breytingar voru gerðar á orðalagi og breytingar á reglugerðinni samþykktar.

Sviðsstjóri fjölskyldusviðs kynnti stöðu verkefninsins Gott að eldast. Til stendur að Vesturbyggð og Heilbrigðisstofnun fundi á næstunni um framgang verkefnisins og samstarfsins.

Arnheiður Jónsdóttir greinir frá farsældarþingi sem haldið var í lok mars.

Á farsældarþing mættu fulltrúar skóla og félagsþjónustu, lögreglu, foreldrafélaga, svæðisfulltrúi UMFÍ og ÍSÍ á Vestfjörðum og verkefnastjóri farsældarráðs hjá Vestfjaraðstofu. Nokkrar stuttar kynningar voru haldnar og sköpuðust góðar umræðaur um forvarnir og hagi barna og ungmenna í Vesturbyggð.

Sviðsstjóri fjölskyldusviðs kynnti stöðuna varðandi stuðningsfjölskyldur barna af Barðaströnd. Fyrir liggur að við upphaf næsta skólaárs verði búið að finna börnum af Berðaströnd stuðningsfjölskyldur á Patreksfirði ef til þess kemur að þau komist ekki heim í lok skóladags vegna færðar eða veðurs.

Arnheiður Jónsdóttir kynnti ýmis verkefni í skólamálum sem lúta að farsæld barna, m.a. Heillaspor.