Fjölskylduráð #17

Umræða um breytingar á skólareglum sem snúa að viðbrögðum við agabrotum.

Unnar hafa verið breytingar á orðalagi skólareglna til að einfalda og skýra hvernig brugðist skuli við agabrotum. Reglurnar eru liður í því að samræma innra starf grunnskólanna þriggja og taka mið af gildum Heillaspora sem eru í innleiðingu í skólastarfi Vesturbyggðar. Breytingarnar styðja við það að allt starfsfólk vinni með sama hætti í skólunum. Reglurnar verða kynntar foreldrum og nemendum á næstu vikum.
Fjölskylduráð fagnar fram komnum reglum.

Umræða um stöðuna á samræmdum reglum um símanotkun í skólum Vesturbyggðar.

Í dag eru skólarnir allir símalausir en unnið er að því að skýra betur hvað felst í því sem og að samræma reglur milli skólanna. Jafnframt skýra hvort og í hvers konar tilvikum heimilt sé að leyfa nemendum notkun síma. R

Umræða um viðbrögð við ófullnægjandi skólasókn í grunnskólum.

Þörf er fyrir ný viðmið varðandi viðbrögð við ófullnægjandi skólasókn. Fjölskylduráð felur sviðsstjóra að vinna málið áfram í samstarfi við skólastjóra grunnskólanna.

Umræður um breytingar á starfsdögum í vor til að starfsfólk skóla eigi kost á að sækja Menntaþing 8. júní.

Menntaþing verður haldið á Ísafirði 8. júní næstkomandi. Til þess að starfsfólk leikskóla og leikskóladeilda eigi kost á að sækja þingið er lagt til að starfsdagur sem fyrirhugaður var 24. apríl verði færður.
Fjölskylduráð samþykkir breytinguna.