Fjölskylduráð #18

Rætt um húsnæðismál eldri borgara á Bíldudal og starfið næsta vetur.

Eldri borgarar á Bíldudal hafa líst yfir áhuga á því að nýta húsnæði þar sem leikskólinn Tjarnarbrekka er með starfsemi sína í dag. Möguleiki er á því að eldri borgara starf á Bíldudal fara fram í því húsnæði án þess að farið verði miklar framkvæmdir á húsnæðinu þegar leikskólinn flytur í nýtt húsnæði.

Fjölskylduráð leggur til við bæjarráð að eldri borgarar fái húsnæðið til afnota þegar það losnar.
Bæjarstjóra falið að fylgja málinu eftir.

Skóladagatal Tónlistarskóla Vesturbyggðar 2026 - 2027 lagt fram til samþykktar.

Kristín Mjöll Jakobsdóttir, skólastjóri Tónlistarskóla Vesturbyggðar kynnir skóladagatal næsta vetrar.

Fjölskylduráð samþykkir skóladagatal Tónlistarskóla Vesturbyggðar fyrir skólaárið 2026-2027.

Rætt um sumarfrístund fyrir börn í 1. - 4. bekk.

Skólastjóri Patreksskóla sat fundinn undir liðnum.

Boðið verður uppá sumarfrístund á Patreksfirði fyrir öll börn í sveitarfélaginu í 1. 4. bekk frá og með 9. júní til og með 3. júlí og frá 4. ágúst til og með 19. ágúst. Opið er frá kl. 8:00-16:00 mánudaga til fimmtudaga og frá kl. 8:00 - 14:00 á föstudögum.
Hægt er að velja staka daga sem og heilan eða hálfan dag, þá frá 8:00-12:00 eða 12:00-16:00, mánudag til fimmtudags. Eyðublöð verða aðgengileg inni á íbúagáttinni

Rætt um vinnuskólann í sumar.

Bæjarstjóri fór yfir umsóknir um stöður flokkstjóra og yfirflokkstjóra í vinnuskóla í sumar. Enn eru lausar stöður sem á eftir að manna svo hægt sé að auglýsa vinnuskólann í sumar. Stöðurnar verða auglýstar að nýju á heimasíðu Vesturbyggðar og umsóknarfrestur framlengdur.