Fræðslu og æskulýðsráð #31

Lagt er til að lokað verði í 4 vikur en tíminn hafður rúllandi milli ára. Sett fram skipulag til ársins 2022. Sumarið 2017 verður sumarlokun 17.júlí - 14.ágúst. Samþykkt samhljóða

Ytra mat fer fram í grunnskólum Vesturbyggðar. Fyrirtækið Ráðrík hefur verið ráðið til verksins. Umfangsmikið mat fer fram í febrúar.

Samþykkt að setja inn í reglur um lengda viðveru sömu viðurlög um gjalddaga og gilda fyrir greiðslur í mötuneytinu. Að gjalddagi greiðsluseðils sé 1. hvers mánaðar. Dráttarvextir reiknast frá þeim degi og sé vistun enn ógreidd 30. sama mánaðar falli vistunarsamningur sjálfkrafa niður næsta mánuð á eftir og þar til skuldin er greidd. Rætt var að miða við lágmarksfjölda barna í Lengdu viðverunni.

Farið yfir drög að reglum um námstyrk til fjarnáms starfsfólks leik- og grunnskóla.

Lögð fram drög að reglum um úthlutun tíma í íþróttahúsum Vesturbyggðar. Afgreiðslu frestað.

Kynntar inntökureglur varðandi aldur, sumarlokun og 5 ára deildir í leikskólum landsins.

Kynnt vinna við bókun 1 í nýjum kjarasamningi kennara með kennurum í Vesturbyggð.