Fræðslu og æskulýðsráð #33

Hugmynd að sameiningu grunn- og leikskóla á Bíldudal kom fyrst fram í vinnu við gerð Skólastefnu Vesturbyggðar. Haldinn var íbúafundur á Bíldudal 25. apríl síðastliðinn þar sem kostir og gallar mögulegrar sameiningar voru ræddir. Í kjölfarið skiluðu skólaráð Bíldudals, foreldrafélög Bíldudalsskóla og Tjarnarbrekku inn áliti. Álitin voru öll jákvæð í garð sameiningar. Fræðslu- og æskulýðsráð Vesturbyggðar leggur til við Bæjarstjórn að hafinn verði undirbúningur sameiningar Grunn- og leikskóla á Bíldudal og stefnt skuli að því að sameiningu verði lokið fyrir 1. ágúst nk.
Samþykkt samhljóða.

Gústaf Gústafsson fór yfir framkvæmd ytra mats sem unnið var við Patreksskóla og Bíldudalsskóla í vor. Niðurstaða matsins mun liggja fyrir á næstu misserum.

Gústaf Gústafsson fór yfir mönnun í Patreksskóla fyrir næsta skólaár.

Lagt fram til kynningar.