Fræðslu og æskulýðsráð #36

Verið er að aka tveimur leikskólabörnum af Barðaströnd í leikskóla á Patreksfirði í dag. Gerðir hafa verið tímabundnir samningar um greiðslu akstursstyrkja. Reglur um úthlutun styrkja vegna aksturs barna í Vesturbyggð eru í mótun.

Vinnuferill við gerð fjárhagsáætlunar lagðar fram til kynningar. Fræðslu- og æskulýðsráð óskar eftir því að fá sérgreindar beiðnir er varða fræðslu og æskulýðsmál lagðar fram til kynningar á næsta fundi ráðsins.

Drög að endurskoðuðum reglum fyrir leikskóla í Vesturbyggð lagðar fram til kynningar. Afgreiðslu frestað til næsta fundar ráðsins.

Farið var yfir minnisblað sem lagt var fyrir nefndina þar sem atriði sem komið hafa fram á íbúafundum voru tiltekin. Fræðslu- og æskulýðsráð vill leggja áheyrslu á að leiksvæði verði kláruð og skoðað verði hvort félagsmiðstöðin á Patreksfirði gæti verið opin t.d einu sinni í viku fyrir ungmenni á aldrinum 16-20 ára. Mikilvægt að atriði sem komið hafi fram á íbúafundum verði höfð til hliðsjónar við gerð fjárhagsáætlunar.

Farið yfir stöðuna í upphafi skólaárs.
Fræðslu- og æskulýðsráð óskar eftir því við skólastjórendur og fræðslustjóra að unnin verði samstarfsáætlun skólanna og hún lögð fyrir Fræðslu- og æskulýðsráð.

Ásdís Snót Guðmundsdóttir skólastjóri fór yfir stöðu skólamála á Bíldudal. Sameining Bíldudalsskóla og Tjarnarbrekku gengur vel það sem af er hausti. Ásdís gerir athugasemd við að ekki hafi verið farið í áætlaðar framkvæmdir við Tjarnarbrekku sem gert hafði verið ráð fyrir að fara í skv. fjárhagsáætlun. Ásdís bendir jafnframt á að brýnt er að bæta úr umferðaröryggi barna á Bíldudal til og frá skóla, eins er bent á að börnin þurfa að fara yfir hættulegan veg til að komast í mötuneyti skólans. Ráðið tekur undir áhyggjur Ásdísar og leggur til við bæjarstjórn að bætt verði úr án tafar.

Drög að starfsáætlun Arakletts skólaárið 2017-2018 lögð fram til kynningar. Hallveig Ingimarsdóttir leikskólastjóri bendir á að laga þarf öryggismál í og við leikskólann.

Starfsáætlun Patreksskóla skólaárið 2017-2018 lögð fram. Samþykkt.

Starfsáætlun Bíldudalsskóla og Tjarnarbrekkur lögð fram. Samþykkt.

Málinu frestað til næsta fundar.