Fræðslu- og æskulýðsráð #75

Elsa Ísfold Arnórsdóttir skólastjóri Bíldudalsskóla kynnti starfsáætlun skólans.

Fræðslu og æskulýðsráð tilnefnir Davíð Valgeirsson í stýrihóp vegna endurskoðunar á skólastefnu Vesturbyggðar.

Ásdís Snót Guðmundsdóttir skólastjóri fór yfir uppfærðar skólareglur Patreksskóla. Samkvæmt viðmið um gerð skólareglna, reglugerð 1040/2011 eiga fræðsluyfirvöld í sveitarfélaginu að fá skólareglur til umsagnar sem hluta af starfáætlun og staðfesta ár hvert . Þessar skólareglur Patreksskóla hafa farið í umsagnarferli hjá skólaráði, starfsfólki og fer til umsagnar hjá nemendum.

Lögð fram til kynningar foreldrakönnun í leikskólanum Arakletti sem er hluti af innra mati skólans. Guðmunda Júlía Valdimarsdóttir leikskólastjóri fór yfir og kynnti könnunina. Nefndin lýsir ánægju sinni með að könnunin hafi verið gerð og þau tækifæri sem hún gefur til umbóta og sýna hvað vel er gert.

Allir vinnustaðir þurfa að gera skriflega áætlun um öryggi og heilbrigði og uppfæra hana eftir þörfum. Tilgangur með gerð áætlunar um öryggi og heilbrigði er fyrst og fremst að fyrirbyggja og draga úr slysum, óhöppum,álagi, vanlíðan og heilsutjóni sem starfsmenn geta orðið fyrir við störf sín hvort sem er líkamlegu eða andlegu. Hér er lögð fram til kynningar áætlun um öryggi og heilbrigði 2021 - 2024 fyrir Patreksskóla. Ásdís Snót Guðmundsdóttir kynnti áætlunina.