Fræðslu- og æskulýðsráð #86

Sviðsstjóri fór yfir skipulag skólaþjónustu er varðar nýtt vinnulag vegna laga um samþættingu þjónustu í þágu farsældar barna þar sem allir skólarnir á sunnanverðum Vestfjörðum vinna saman. Skólastjórarnir fóru yfir stöðu sérfræðiþjónustu sem í boði er í skólunum og mönnun þeirra.

Fyrirhugaðar eru breytingar á skólalóð við Patreksskóla þar sem fótboltavöllur verður settur með gervigrasi milli skólabygginga. Leiktæki á "hringtorgið" og ýmis viðhaldsverkefni. Leitað verður til Landmótunar með verkið.

Lögð fram skýrsla frá mennta- og barnamálaráðuneytinu um tilraunaverkefni unnið í samvinnu við Samband íslenskra sveitarfélaga um úthlutun og nýtingu fjármagns til grunnskóla og hvernig stuðla mætti markvissar að snemmtækum stuðningi og forvörnum og auka hæfni menntakerfisins til að starfa á grundvelli jafnaðar, skilvirkni og hagkvæmni.