Heimastjórn Arnarfjarðar #12

Lagt fram erindi frá Vestfjarðastofu annars vegar, þar sem óskað er eftir upplýsingum frá Vesturbyggð um uppbyggingarverkefni fyrir endurskoðaða áfangastaðaáætlun Vestfjarða, og menningar- og ferðamálafulltrúa hins vegar, þar sem óskað er eftir afstöðu heimastjórnar til verkefna á svæði hennar.

Valgerður María Þorsteinsdóttir menningar- og ferðamálafulltrúi sat fundinn undir þessum lið.
Heimastjórn fór yfir erindið og ræddi verkefni í Áfangastaðaáætlun Vestfjarða og mögulegar breytingar á verkefnum vegna endurskoðunar á áætluninni.
Valgerður vék af fundi.

Tillögur og áherslur heimastjórnar fyrir fjárhagsáætlun 2026-2029

Áherslur heimastjórnar fyrir fjárhagsáætlun 2026 - 2029 ræddar og verða lagðar fram á næsta fundi til samþykktar.

Breyttur fundarstaður heimastjórnar meðan skólastarf er í Muggsstofu og breyttur fundartími.

Heimastjórn samþykkir nýjan fundarstað sem verður Baldurshagi meðan skólastarfsemi verður í Muggsstofu. Fundartími verður kl. 15.30 þar til annað verður ákveðið.
Samþykkt samhljóða.

Verkfundargerðir 15. og 16. vegna Bíldudalsskóla

Fundargerðir 15 - 21 lagðar fram til kynningar.
Heimastjórn leggur áherslu á mikilvægi þess að allar innréttingar, húsbúnaður og annað sem þarf að nota í húsnæðinu verði tilbúið og komið á staðinn þegar húsnæðið er tilbúið þannig að það valdi ekki töfum á starfsemi skólans.

Lagt fram til kynningar niðurstaða umsóknar í styrkvegi 2025.