Heimastjórn fyrrum Barðastrandarhrepps og Rauðasandshrepps #21

Lagður fram tölvupóstur með umsókn vegna rekstrarleyfis Hótel Flókalundur

Heimastjórn fyrrum Barðastrandarhrepps og Rauðasandshrepps gerir ekki athugasemdir við veitingu rekstrarleyfisins.

Tekin fyrir umsókn Orkubús Vestfjarða um framkvæmdaleyfi vegna lagningar 24 kV háspennustrengs og ljósleiðara frá Breiðavík að Brunnahæð og Urðarhjalla, samkvæmt fyrirliggjandi umsókn, minnisblaði og lagnaleiðaruppdrætti.

Skipulags- og umhverfisráð lagði til við heimastjórn fyrrum Barðastrandarhrepps og Rauðasandshrepps á 4. fundi sínum þann 23. september að samþykkt verði að veita framkvæmdaleyfi fyrir framkvæmdinni með fyrirvara um jákvæða umsögn Minjastofnunar Íslands vegna fyrirliggjandi fornleifaskráningar og að nauðsynleg leyfi og samþykki Vegagerðarinnar liggi fyrir vegna þverunar Örlygshafnarvegar nr. 612 og eftir atvikum annarra vega sem framkvæmdin tekur til.

Framkvæmdir skulu fylgja þeirri lagnaleið sem sýnd er í fyrirliggjandi gögnum. Rask á landi skal lágmarkað og ganga skal snyrtilega frá framkvæmdasvæðinu að framkvæmd lokinni, þ.m.t. með jöfnun yfirborðs og uppgræðslu þar sem jarðvegur raskast.

Komi fram í umsögn Minjastofnunar eða við afgreiðslu Vegagerðarinnar skilyrði sem kalla á efnislegar breytingar á legu eða umfangi framkvæmdarinnar, skal málið tekið fyrir að nýju í ráðinu.

Ráðið fól skipulagsfulltrúa að gefa út framkvæmdaleyfi þegar framangreind skilyrði hafa verið uppfyllt.

Heimastjórn fyrrum Barðastrandarhrepps og Rauðasandshrepps samþykkir að veitt verði framkvæmdaleyfi fyrir framkvæmdinni með fyrirvara um jákvæða umsögn Minjastofnunar Íslands sem og að nauðsynleg leyfi og samþykki Vegagerðarinnar liggi fyrir vegna þverunar Örlygshafnarvegar nr. 612 og eftir atvikum annarra vega sem framkvæmdin tekur til.

Lögð fram til kynningar bókun frá 4. fundi skipulags- og umhverfisráðs dagsett 23. september sl. varðandi ósk um svæði fyrir flugvöll í Sauðlauksdal frá Módelsmiðju Vestfjarða

Lagt fram til kynningar.