Heimastjórn Patreksfjarðar #17

Skipulag á Þúfneyri sem útivistarsvæði

Farið yfir drög að tillögu að deiliskipulagi Þúfneyrar. Heimastjórn lýst vel á hugmyndina.

Vinnufyrirkomulag heimastjórna, drög lögð fram til umsagnar

Heimastjórn Patreksfjarðar gerir ekki athugasemd við drögin.

Samþykkt samhljóða

Lagt fram til kynningar erindi Orkubús Vestfjarða ohf. dags. 12. febrúar 2026. Í erindinu eru kynnt áform Orkubúsins varðandi fyrirhugaðar lagnaleiðir fyrir stofnlagnir hitaveitu á Patreksfirði. Um er að ræða annars vegar safnæð frá borholu undir Geirseyrarmúla að nýrri kyndistöð að Aðalstræti 112 og hinsvegar lagnir þaðan ásamt háspennustrengjum, út Strandgötu og niður á eyrina til þess að endurtengja dreifikerfi hitaveitu og háspennukerfis þegar núverandi kyndistöð verður aflögð.

Framkvæmdin nær yfir mest alla Strandgötu að gatnamótum Bjarkargötu, Urðargötu og Aðalstrætis og hluta af Sigtúni. Erindinu fylgir teikning er sýnir grófa legu lagna. Áformaður verktími verður sumar og haust 2026. Í ljósi þess er jafnframt óskað eftir því að áformaðri malbikun á Strandgötu verði frestað um eitt ár, með það að leiðarljósi að koma í veg fyrir tvíverknað og rask á svæðinu.
Bæjarráð tók erindið fyrir á 48. fundi sínum þann 24. febrúar. Bæjarráð tók vel í erindið og fól bæjarstjóra að vinna málið áfram í samstarfi við Orkubúið.

Lagt fram til kynningar

Tímabundin geymsla á steypumöl á hafnarsvæði Patrekshafnar.

Lagt fram til kynningar.

Umsögn Vesturbyggðar um samgönguáætlun 2026 - 2040

Lagt fram til kynningar.

Skipan nýs varamanns samkvæmt niðurstöðum kosninga vorið 2024 í heimastjórn Patreksfjarðar í stað Jóns Árnasonar sem hefur tekið sæti í bæjarstjórn.
Bæjarráð skipaði Smára Gestsson sem annan varamann í heimastjórn Patreksfjarðar í samræmi við niðurstöður kosninga.

Heimastjórn Patreksfjarðar býður Smára Gestsson velkominn til starfa.