Heimastjórn Tálknafjarðar #9

Tekið fyrir afgreiðslubréf Skipulagsstofnunar, dagsett 27. febrúar 2025 ásamt leiðréttum skipulagsgögnum þar sem tekið hefur verið tillit til athugasemda Skipulagsstofnunar.

Gerðar voru breytingar á skipulagsgögnum sem fólu í sér að byggingareitir voru minnkaðir þar sem það átti við en að öðru leyti voru ekki gerðar breytingar á skipulagsgögnum.

Skipulags- og framkvæmdaráð lagði til við heimastjórn Tálknafjarðar á 9. fundi sínum að breytingarnar sem gerðar hafa verið á tillögunni verði samþykktar og skipulagsfulltrúa falin fullnaðarafgreiðsla á deiliskipulaginu í samræmi við 42. gr. skipulagslaga nr. 123/2010.

Heimastjórn Tálknafjarðar samþykkir breytingarnar sem gerðar hafa verið á tillögunni og felur skipulagsfulltrúa fullnaðarafgreiðslu á deiliskipulaginu í samræmi við 42. gr. skipulagslaga nr. 123/2010.

Samþykkt samhljóða

Óskað er umsagnar Heimastjórnar Tálknafjarðar á auglýsingu um grenjavinnslu fyrir árið 2025.
Jafnframt er óskað umsagnar á samningsformi, eins og notast hefur verið við, undanfarin ár.

Heimastjórn Tálknafjarðar gerir ekki athugasemdir við auglýsingu um grenjavinnslu eða við samningsformið. Yfirfara þarf dagsetningar í auglýsingu áður en hún er send til birtingar.

Samþykkt samhljóða.

Erindi frá Hannesi Bjarnasyni og Birnu Jónsdóttur varðandi eyðingu vargfugls í Tálknafirði.

Heimastjórn Tálknafjarðar tekur undir áhyggjur bréfritara varðandi vargfugl á hafnarsvæði og víðar í firðinum sem veldur tjóni á lífríki.

Heimastjórn beinir þeim tilmælum til bæjarstjóra Vesturbyggðar að brugðist verði við sem allra fyrst þar sem friðun æðarvarps hefst þann 15. apríl og því stuttur tími til stefnu.

Samþykkt samhljóða.

Svör Vegagerðarinnar við erindi heimastjórnar Tálknafjarðar frá síðasta fundi.

Heimastjórn Tálknafjarðar harmar að Vegagerðin skuli ekki geta mætt þeirri viðhaldsþörf sem er orðin mjög brýn á Tálknafjarðarvegi 617 og lýsir vonbrigðum með þá niðurstöðu að ekki sé hægt að leggja fjármagn í veginn fyrr en árið 2029.
Ástand vegarins er orðið mjög alvarlegt og þolir ekki þá umferð sem á honum er mikið lengur án viðgerða. Pollurinn er mjög mikilvægur áningarstaður ferðamanna auk mikillar notkunar heimamanna ásamt því að þessi vegur liggur einnig að kirkjugarði Stóra-Laugardalssóknar í viðbót við aðra notkun vegarins. Auk þess hefur heimastjórn Tálknafjarðar miklar áhyggjur af þeirri umferð sem þarna mun verða í tengslum við sólmyrkvann í ágúst 2026.

Samþykkt samhljóða

Undirbúningur fyrir íbúafund 07.04.2025

Rætt um undirbúning fyrir íbúafund sem haldinn verður í matsal Tálknafjarðarskóla 7. apríl kl. 17.00

Ósk um lausn frá störfum.

Lagt fram til kynningar.
Heimastjórn Tálknafjarðar þakkar Tryggva Bjarnasyni fyrir gott samstarf og óskar honum velfarnaðar í framtíðinni.