Heimastjórn Tálknafjarðar #14

Heimastjórn Tálknafjarðar hefur áður bókað um viðhald Tálknafjarðarvegar 617 og sent þær bókanir til Vegagerðarinnar. Svör Vegagerðarinnar eru að ekki sé hægt að koma almennum lagfæringum á veginum inn á fjárhagsáætlun fyrr en árið 2029 og þykir heimastjórn Tálknafjarðar það mjög miður.

Þrátt fyrir þetta svar Vegagerðarinnar vill heimastjórn Tálknafjarðar koma á framfæri nauðsyn þess að fara strax í lagfæringar á brúargólfinu yfir Stóra-Laugardalsá. Steypt yfirborð á brúnni er orðið stórhættulegt þar sem það er farið að brotna upp og komnir hættulegir kantar í steypuna á brúnni. Holurnar í brúnni eru einnig orðnar djúpar og þar myndast djúpir pollar eins og má sjá á meðfylgjandi myndum. Heimastjórn minnir á að þessi brú liggur að kirkjugarði Tálknafjarðar auk sumarhúsa utar í firðinum og á sumrin er þarna töluverð umferð ferðafólks.

Heimastjórn Tálknafjarðar ítrekar nauðsyn þess að fara strax í viðgerð á brúargólfinu þannig að ekki hljótist slys af holunum í brúnni.

Valgerður María Þorsteinsdóttir kynnti stöðu á undirbúningi fyrir sólmyrkvann 12. ágúst 2026.

Verkefni hjá höfnum Vesturbyggðar í samgönguáætlun 2026-2030 lagt fram til kynningar.