Fundur haldinn í fundarsal, Strandgötu 38, Tálknafirði, 5. febrúar 2026 og hófst hann kl. 14:00
Nefndarmenn
- Gunnþórunn Bender (GB) aðalmaður
- Jónas Snæbjörnsson (JS) varaformaður
- Þór Magnússon (ÞM) formaður
Starfsmenn
- Lilja Magnúsdóttir (LM) ritari heimastjórna
- Nanna Lilja Sveinbjörnsdóttir (NLS) sviðsstjóri fjármála- og stjórnsýslusviðs
Fundargerð ritaði
- Lilja Magnúsdóttir ritari
Almenn erindi
1. Fjárhagsáætlun 2026 - 2029.
Samþykkt fjárhagsáætlun 2026 - 2029 lögð fram til kynningar.
Nanna Lilja Sveinbjörnsdóttir sat fundinn undir þessum lið og fór yfir afgreidda fjárhagsáætlun Vesturbyggðar 2026-2029 og þau verkefni sem farið verður í á árinu á Tálknafirði.
Til kynningar
3. Orkubú Vestfjarða - Rafmagnsleysi og tjón af því
Svör Orkubús Vestfjarða við bókun heimastjórnar Tálknafjarðar. Einnig eru bókanir bæjarráðs og bæjarstjórnar varðandi málið lagðar fram.
Lagt fram til kynningar.
4. Öryggi i fjarskiptum í Tálknafirði
Svör fjarskiptafyrirtækja við bókun heimastjórnar Tálknafjarðar.
Svör raforku- og fjarskiptafyrirtækja lögð fram til kynningar.
Heimastjórn Tálknafjarðar þakkar fyrir svör fyrirtækjanna við bókun heimastjórnar frá 08.01.2026 um rafmagnsleysi og fjarskiptarof í desember. Einnig er gott að sjá að þessi þjónustufyrirtæki hafi tekið sín mál föstum tökum og gert úrbætur.
Heimastjórn leggur mikla áherslu á nauðsyn þess að rafmagn og fjarskipti séu til staðar og virki þar sem bæði íbúar og atvinnulíf byggja allt sitt á því. Varaafl fyrir rafmagn og fjarskipti verður að vera fyrir hendi og í lagi.
5. Varaafl Tálknafirði - bráðaaðgerð
Lagt fram til kynningar erindi frá Orkubúi Vestfjarða ohf. varðandi bráðabirgðastaðsetningu fyrir gám undir varaafl við Strandgötu á Tálknafirði og ákvörðun þar um.
Lagt fram til kynningar.
Fleira ekki gert. Fundi slitið kl. 15:10
Formaður setti fund og kannaði hvort athugasemdir væru við fundarboðið.
Svo var ekki og formaður lýsti fundinn lögmætan.