Heimastjórn Tálknafjarðar #18

Tillaga að breytingu deiliskipulags hafnarsvæðis á Tálknafirði. Breytingin fjallar um að skilgreind er ný lóð. Stærð lóðar verður 1086 m2. Innan lóðar er heimilt að reisa byggingu að stærð 455 m2. Vegur á hafnarsvæði er hliðraður aðeins þannig að hann samsvari núverandi legu. Til samræmis er byggingareitur og lóð Strandgötu 29 minnkuð úr 5752 m2 í 4872 m2. Lóð fyrir þvottaplan minnkar úr 553 m2 í 483 m2. Lóðin mun fá staðfangið Hafnarstræti 3.
Skipulags- og framkvæmdaráð leggur til við heimastjórn Tálknafjarðar að samþykkja grenndarkynningu á viðkomandi breytingu á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi.

Heimastjórn Tálknafjarðar samþykkir grenndarkynningu á viðkomandi breytingu á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi.

Samþykkt samhljóða.

Tekin fyrir eftir grenndarkynningu óveruleg breyting á deiliskipulagi Túnahverfis á Tálknafirði. Grenndarkynningin var auglýst 14. janúar 2026 með athugasemdafresti til 11. febrúar 2026. Engar athugasemdir bárust á kynningartíma.
Skipulags- og framkvæmdaráð leggur til við heimastjórn Tálknafjarðar að tillagan fái málsmeðferð í samræmi við 2. mgr. 43. gr. skipulagslaga nr. 123/2010.

Heimastjórn Tálknafjarðar samþykkir að tillagan fái málsmeðferð í samræmi við 2. mgr. 43. gr. skipulagslaga nr. 123/2010.

Samþykkt samhljóða

Merkingar á húsnæði sveitarfélagsins Vesturbyggðar með nýju byggðamerki

Heimastjórn Tálknafjarðar óskar Vesturbyggð til hamingju með hönnunarverðlaun sem nýja byggðamerkið fékk nú nýverið og hvetur bæjarstjórn Vesturbyggðar til að láta merkja byggingar sveitarfélagsins með nýju byggðamerki sem allra fyrst. Einnig leggur heimastjórn til að hugað verði að merkingum við innkomu í byggðakjarna sveitarfélagsins.

Samþykkt samhljóða.

Húsnæðisáætlun Vesturbyggðar 2026 og lóðir í Tálknafirði.

Heimastjórn Tálknafjarðar vekur athygli á að í Tálknafirði er fjöldi lóða fyrir íbúðahús á deiliskipulagi sem eru tilbúnar til byggingar strax og hvetur byggingarverktaka til að skoða þessar lóðir með byggingar í huga þar sem skortur er á húsnæði í sveitarfélaginu.
Einnig bendir heimastjórn á að á deiliskipulagi eru nokkrar lóðir fyrir atvinnuhúsnæði.

Samþykkt samhljóða.

Snjómokstur á Tálknafjarðarvegi 617

Rætt um snjómokstursreglur á Tálknafjarðarvegi 617.

Samþykki stjórnar Byggðastofnunar að taka Tálknafjörð inn í verkefnið Brothættar byggðir.

Heimastjórn Tálknafjarðar fagnar þessum áfanga og vonar að verkefnið gangi vel, Tálknfirðingum til heilla.

Fyrirhugaðar framkvæmdir í Tálknafirði

Lagt fram til kynningar

Umsögn Vesturbyggðar um samgönguáætlun 2026 - 2040

Lagt fram til kynningar