Heimastjórn Tálknafjarðar #19

Sláttur og hirðing á grænum svæðum í Vesturbyggð 2026

Þór Magnússon lýsti sig vanhæfan til að fjalla um málið og vék af fundi. Jón Aron Benediktsson fyrsti varamaður tók sæti á fundinum í stað Þórs.
Græn svæði á Tálknafirði og sláttur þeirra kynntur fyrir heimastjórn Tálknafjarðar.
Heimastjórn gerir ekki athugasemdir við tillögurnar.

Jón Aron vék af fundi og Þór kom inn aftur.

Fulltrúar Skotíþróttafélags Vestfjarða, Valur Smárason og Gísli Rúnar Kristinsson komu inn á fundinn og kynntu hugmyndir um fyrirhugað skotíþróttasvæði í Norðurbotni, Tálknafirði. Málið er á undirbúningsstigi og snýr að mögulegu deiluskipulagi og tengingu við aðalskipulag. Fyrir liggur samningur við landeigendur í Norður-Botni vegna áformanna.

Skipulags- og framkvæmdaráð tekur jákvætt í áformin og vísar málinu áfram til heimastjórnar Tálknafjarðar.

Fulltrúar Skotíþróttafélags Vestfjarða, Valur Smárason og Gísli Rúnar Kristinsson komu inn á fundinn á Teams og kynntu hugmyndir um fyrirhugað skotíþróttasvæði í Norðurbotni, Tálknafirði.
Heimastjórn Tálknafjarðar þakkar fyrir góða kynningu og lýst vel á hugmyndina um skotíþróttasvæði í Norður-Botni. Heimastjórn bendir þó á nauðsyn þess að hafa í huga útivist og aðgengi að náttúru svæðisins við gerð deiliskipulagsins ásamt því að kynna verkefnið mjög vel fyrir íbúum. Einnig verður að tryggja öryggi vel á svæðinu og við aðkomu að svæðinu hvort sem komið er að í dalnum eða ofan af fjalli. Yfir Miðvörðuheiði er ein af þjóðleiðunum milli Tálknafjarðar og Barðastrandar og gönguhópar fara þarna um.

Staða björgunar Kópaness í Tálknafjarðarhöfn

Elfar Steinn Karlsson hafnarstjóri kom inn á fundinn og gerði grein fyrir stöðunni á að fjarlægja Kópanesið úr höfninni.

Breytingar á skipulagi skóla í Vesturbyggð, bókun fjölskylduráðs

Lagt fram til kynningar

Bókun bæjarráðs vegna þátttöku Tálknafjarðar í Brothættum byggðum og samningur við Byggðastofnun

Lagt fram til kynningar

Bókun almannavarnanefndar Vesturbyggðar öryggi í fjarskiptum vegna rafmagnsleysis

Lagt fram til kynningar

Bókanir bæjarráðs og almannavarnanefndar vegna fjarskiptasambands í Vesturbyggð í kjölfar lokunar á 2G og 3G.

Lagt fram til kynningar

Bókun bæjarráðs vegna áætlunarflugs til Bíldudals.

Lagt fram til kynningar

Fyrirhuguð hjúkrunarrými á Patreksfirði, bókun fjölskylduráðs

Lagt fram til kynningar

Fegrun umhverfis í Vesturbyggð, bókun bæjarráðs

Lagt fram til kynningar

Bókun almannavarnanefndar Vesturbyggðar varðandi sólmyrkvann 12.08.2026 og undirbúning fyrir hann.

Lagt fram til kynningar.