Menningar- og ferðamálaráð #12

Lögð fram drög að áfangastaðaáætlun Vestfjarða frá Vestfjarðastofu dags. 6.október 2020. Menningar- og ferðamálafulltrúa er falið að koma athugasemdum í samræmi við umræður á fundinum til bæjarstjóra.

Lagt fram erindi frá Yasuaki Tanago dags. 21.september 2020. Yasuaki er arkítekt og borgarhönnuður og lýsir yfir áhuga sínum að vinna að verkefni um samfélagshönnun er varðar menningar-og ferðamál á Patreksfirði. Yasuaki dvaldi á Patreksfirði sumarið 2019 og setti af stað vinnustofu í samstarfi við íbúa.

Menningar-og ferðamálafulltrúa falið að kanna grundvöll að mögulegu samstarfi við Yasuaki í samræmi við umræður á fundinum.

Lögð fram drög að yfirliti yfir fjárfestingar og sérgreind verkefni tengd menningar-og ferðamálum vegna vinnu við fjárhagsáætlun 2021-2024.

Menningar-og ferðamálafulltrúi fór yfir samantekt á fjölda gistinátta og gestakomum á tjaldsvæðum í Vesturbyggð frá maí-september 2020.

Lögð fram til kynningar greinargerð frá umsjónaraðilum Gömlu smiðjunnar á Bíldudal vegna sumarsins 2020.