Skipulags- og byggingarnefnd #187

Erindi frá Birnu Friðbjört Stephensen Hannesdóttur. Í erindinu óskar hún eftir breyttri notkun á bílskúr við Aðalstræti 19, 450 Patreksfirði. Áform þeirra er að setja upp litla kjötvinnslu, beint frá býli. Þörf yrði á frystigám við hlið hússins seinna meir fyrir geymslu á afurðum.

Skipulags- og byggingarnefnd hafnar erindinu þar sem notkunin samræmist ekki skipulagi. Nefndin bendir á að slík starfsemi eigi ekki heima í íbúðasvæði heldur á skilgreindum iðnaðar- og athafnasvæðum.

Umsókn um byggingarleyfi frá Íslenska Kalkþörungafélaginu ehf. Sótt er um byggingarleyfi fyrir tvílyftri viðbyggingu við Tjarnarbraut 10, 465 Bíldudal. Bílskúr á neðri hæð og geymslur og verönd á efri hæð. Einnig er sótt um leyfi fyrir breyttu fyrirkomulagi innanhúss, stiga lokað milli hæða og nýtt vindskýli fyrir inngang neðri hæðar. Húsið einangrað og klætt að utan.
Umsókninni fylgir afstöðu-, grunn- og útlitsmyndir sem og snið unnin af Zeppelin Arkitektum dags. 14.04.2014.

Skipulags- og byggingarnefnd samþykkir erindið og felur byggingarfulltrúa útgáfu byggingarleyfis að undangenginni grenndarkynningu.

Davíð Rúnar Gunnarsson víkur af fundi undir þessum lið.

Umsókn um byggingarleyfi frá Davíð Rúnari Gunnarssyni, slökkviliðsstjóra f.h. Vesturbyggðar. Sótt er um stækkun á innkeyrsluhurð á Slökkvistöðinni að Tjarnarbraut 8, 465 Bíldudal og sett upp rafdrifin flekahurð. Erindinu fylgir grunn-, útlits- og afstöðumynd unnin af GINGA teiknistofu dags. 11.04.2014

Skipulags- og byggingarnefnd samþykkir erindið og felur byggingarfulltrúa útgáfu byggingarleyfis

Ingimundur Andrésson víkur af fundi undir þessum lið.

Erindi frá Orkubúi Vestfjarða (OV). Í erindinu er sótt um breytingu á lagnaleið á dreifikerfi hitaveitunnar við Litladalsá, lagnir verða færðar 35m ofar í árfarveginn og grafnar í jörðu og verða þ.a.l. ekki sýnilega eins og fyrri lagnir.

Erindinu fylgir uppdráttur unninn af Verkís, dags. 14.08.2013

Skipulags- og byggingarnefnd samþykkir erindið.

Þann 20. desember 2013 samþykkti bæjarstjórn Vesturbyggðar að auglýsa tillögu að deiliskipulagi vegna iðnaðarsvæðis nyrst á Bíldudal. Tillagan var auglýst frá 30.janúar 2014 til 14.mars 2014. Frestur til að skila inn athugasemdum var til og með 14.mars 2014. Umsagir bárust frá Vegagerðinni, Umhverfisstofnun, Heilbrigðiseftirliti Vestfjarða, Samgöngustofu og Veðurstofunni. Athugasemdir bárust frá húseigenda við Lönguhlíð á Bíldudal. Athugasemdirnar beinast helst að hljóð og sjónmengun.

Skipulags- og byggingarnefnd felur skipulagsfulltrúa að svara athugasemdum í samræmi við umræður á fundinum og felur honum að koma á framfæri lagfæringum í greinagerð. Skipulags- og byggingarnefnd samþykkir tillöguna og felur skipulagsfulltrúa hana til fullnaðarafgreiðslu samkvæmt 42. greinar skipulagslaga nr.123/2010.

Forstöðumaður Tæknideildar kynnti drög að áætlun um átak vegna gáma og annarra lausamuna í sveitarfélaginu.

Skipulags- og byggingarnefnd leggur til að lokið verði frágangi á gámasvæði sveitarfélagsins á Patreksfirði svo hægt sé að vísa eigendum gáma á svæðið.
Jafnframt leggur nefndin til að auglýst verði eftir eigendum lausafjármuna í geymslugirðingu sveitarfélagsins á Patreksfirði.

Tekið fyrir erindi frá Gísla Gunnari Marteinssyni þar sem hann leitar samþykkis vegna fyrirhugaðra skógræktaráforma. Nú liggja fyrir umsagnir hlutaðeigandi stofnana.

Skipulags- og byggingarnefnd samþykkir erindið.

Erindi frá forstjóra Mannvirkjastofnunar dagsett 30. október 2013.

Lagt fram til kynningar.