Skipulags- og framkvæmdaráð #11

Erindi frá Hótel Breiðavík ehf. Í Í erindinu er óskað eftir stofnun 2500m2 lóðar á Brunnahæð úr landi Breiðavíkur, L139860. Erindinu fylgir drög að merkjalýsingu unnin af Verkís.

Skipulags- og framkvæmdaráð leggur til við heimastjórn fyrrum Barðastrandarhrepps og Rauðasandshrepps að stofnun lóðarinnar verði samþykkt. Skipulags- og framkvæmdaráð metur sem svo að heimilt sé að falla frá grenndarkynningu þar sem breytingin varðar ekki hagsmuni annarra en sveitarfélags og umsækjenda, sbr. 3. mgr 44. gr skipulagslaga nr. 123/2010.

Erindi frá Ólafi J. Högnasyni, dags. 19. mars 2025. Í erindinu er óskað eftir endurnýjun lóðarleigusamnings fyrir Dalbraut 34 á Bíldudal.

Skipulags- og framkvæmdaráð samþykkir stækkun lóðar og nýjan lóðarleigusamning.

Erindi frá Jóni V. Aðalsteinssyni, dags. 25. apríl 2025. Í erindinu er sótt um leyfi fyrir 25,5 m2 gestahúsi við Asparhlíð, L139793, Barðaströnd. Erindinu fylgir samþykki fulltrúa landeigenda, Ríkiseigna.

Skipulags- og framkvæmdaráð leggur til við heimastjórn fyrrum Barðastrandarhrepps og Rauðasandshrepps að samþykkja byggingaráformin með fyrirvara um jákvæða niðurstöðu grenndarkynningar, en grenndarkynna þarf áformin fyrir eigendum aðliggjandi frístundahúsa.

Erindi frá Árna G. Bárðarsyni, dags. 22. maí 2025. Í erindinu er sótt um leyfi til niðurrifs á matshlutum 02,03 og 04 á Búðeyri, L140427, Tálknafirði. Matshlutarnir eru eldisker sem byggð voru 1987.

Skipulags- og framkvæmdaráð samþykkir erindið, förgun skal vera samkvæmt reglum.

Erindi frá Jan Jodas, dags. 28.apríl 2025. Í erindinu er óskað eftir staðfestingu sveitarfélagsins á lóðarmörkum Stekka 20, Patreksfirði sem er eignarlóð. Erindinu fylgir afmörkun lóðarinnar.

Skipulags- og framkvæmdaráð staðfestir lóðarmörkin.

Lögð fram til kynningar ályktun aðalfundar Skógfræðingafélags Íslands frá 25. mars síðastliðnum.

Aðalfundur Skógfræðingafélags Íslands haldinn á Hallormsstað 25. mars 2025 beinir
þeirri ábendingu til sveitarstjórna í landinu að græn svæði í þéttbýli eru mikilvæg fyrir lýðheilsu fólks og vill jafnframt minna á mikilvægi þess að sveitarfélög nýti sér sérþekkingu skógfræðinga til að styðja við uppbyggingu grænna svæða í þéttbýli.
Skógfræðingafélag Íslands lýsir sig hér með tilbúið til að ræða við og fræða
sveitarstjórnir og þá sem fara með umhverfismál hjá sveitarfélögum um uppbyggingu
og umhirðu skógarsvæða í og við þéttbýli íbúum til heilla.